Luka 12:33 - Tedim Bible

³³ Na neihsa teng zuak un la, hehpihna na pia un. A lui thei lo dangka-ip na bawl un. Gutate’n naih zo lo a, nget in a suksiat theih lohna vantungah a bei thei lo sum na khol un.

Tedim Bible Revision 2017

³³ Na neihsa uh zuak unla, mizawngte tungah tua sumte na pia un. Note adingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei het loh nading mun vantungah na sumte uh na khol un.

Luka 12:33 Referans Kwoze

Mattiu 19:21

Zeisu in, “Nang a siangtho nuam na hih leh, pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Luka 18:22

Zeisu in tua a zak ciangin, “Na khat na sam lai hi. Na neihsa teng zuak in la, mizawngte kiangah na hawmsak in. Tua hi leh, vantungah sum na nei ding hi.Tua khit ciangin ka nung hong zui in,” a ci hi.

Sawltak 2:45

Amaute in a neih a lamte uh a zuak khit uh ciangin mite’ kisapna bangin a hawmsak uh hi.

Luka 16:9

Ke’n kong cih-inah, aman lo sum tawh lawmte na ngah ding uh hi. Tua hi leh, tua sumte a bei ciangin a om tawntung buk sungah amaute in a hong tungsak ding uh hi.”

Luka 12:21

Tua mah bangin, ama ading sum a khol hangin, Pasian mai-ah a zawng mi in tua pa tawh kibang ahi hi,” a ci hi.

Haggai 1:6

Khaici tampi na tuh uh hangin an tawm bek na la uh a, an nek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puan silh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

2 KORIN NIHNA 8:2

Tua pawlpite in a zawn’ khalna hanga ze-etna tampi a thuak lai takun, a lungdamna uh lian ahih ciangin nakpi zawngkhal napi-in sumpi piakna nasia takin a khang hi.

Johan 12:6

Tua bang a cih in mizawngte phattuamna ding ngaihsun hi lo hi; amah in gutapa hi a, dangka-ip tawi ahih ciangin, a sunga omsa teng sawk thei ahih hang hi.

Luka 11:41

Ahih hangin kuang sunglam a om nate mizawngte na pia un. Tua bang na hih uh leh, na khempeuh note mai-ah a siangtho ding hi.”

Paunak 13:7

Mi pawlkhatte, zawng napi-in kihau sak uh a, mi pawlkhatte, hau napi-in kizawngsak uh hi.