Luka 12:32 - Tedim Bible

³² “Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Tedim Bible Revision 2017

³² Tua ciangin Jesu in, “Tuu hon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong seh sa ahi hi.

Luka 12:32 Referans Kwoze

Hebru 12:28

Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

Mangmuhna 1:6

ama Pa Pasian mai-ah eite kumpi za-ah ahi zongin, siampi za-ah ahi zongin hong koih Topa tungah minthan’na leh vangliatna om tawntung ta hen! Amen.

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

Luka 10:21

Tua lai takin Zeisu in Kha Siangtho tawh lungdam a, “Vantung leh leitung a uk ka Pa aw, nangmah in hih thute mipilte leh misiamte kiangah im-inah, naupangte tungah lak na hih ciangin, na hehpihna ka phat hi. Ahi mah hi ka Pa aw, tua bangin na deih hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

2 THESALONIKA NIHNA 1:11

Tua ahih ciangin i Pasian leh Topa Zeisu Khazih’ hehpihna thupha tawh kizui-in tua i Topa Zeisu’ min in note hangin vangliatna a ngah nading ahi zongin, note in zong tua Topa hangin vangliatna na ngah nading uh ahi zongin note in hong sapna thupha a ngah ding a kilawm mi ci-in eite Pasian in hong ciamtehin,

2 PETER NIHNA 1:11

Tua bang hangin eite Topa leh Honpa Zeisu Khazih’ tawntung Gam sung lut theihna thu note a kicingin hong kipia ding hi.

Mattiu 14:27

Zeisu in, “Na lungdam ta un; keimah ka hi hi, na lau kei un,” a cih pah leh,

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Mangmuhna 22:5

A nung ciangin zan om nawn lo ding hi. Amaute in meivakna ahi zongin, ni tan’na ahi zongin a kisam kei ding uh hi. Bang hang hiam na cih uh leh, Topa Pasian in amau khuavakna a pia ding hi. Amaute in zong a tawntungin a mang ding uh hi.

2 THESALONIKA NIHNA 1:5

Note in Pasian’ Gam hangin gimna thuakin, tua Gam tawh a kilawm mi-in hong simna thu na ngah nadingun, thuman tawh Pasian’ thukhenna tua bangin a kilang hi.

ROM (Romans) 6:23

Bang hang hiam na cih uh leh, sihna in mawhna’ thaman ahi hi. Ahih hangin i Topa Khazih Zeisu hanga nuntak tawntungna in man kipia lo Pasian’ letsong ahi hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Johan 18:36

Zeisu in, “Keima gam in leitung gam ahi kei hi. Keima gam in leitung gam hi leh, Judah mite khut sung ka tun’ loh nading ka mite in a do ding uh hi. Tu-in, ka gam in hih lai takah a om kei hi,” a ci hi.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Mattiu 20:16

Tua mah bangin, a nunungte in a masa ding uh hi. A masate in a nunung ding uh hi,” ci-in a hilh hi.

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi; Topa in eite khempeuh’ mawhnate ama tungah suan hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

Sawltak 20:29

Ka pai khit ciangin gilo ngiate in nomau lakah lutin, a tuute a hehpih kei ding uh hi.

1 KORIN MASA 1:21

Bang hang hiam na cih uh leh, Pasian’ vaihawm bangin leitung mite in amau lungpilna hangah Pasian thei lo uh ahih ciangin, Pasian in a umte thuhilhna hai tawh a gup nading lungsim a nei hi.