Luka 12:24 - Tedim Bible

²⁴ Va-akte na lungngai un. Amaute in khaici tuh lo, a at kei uh hi. Beem ahi zongin, saal ahi zongin a nei kei uh hi. Ahih hangin Pasian in tuate a vak hi. Vasate sangin note in bangzahvei a manpha zaw na hi uh hiam?

Tedim Bible Revision 2017

²⁴ Vasate ngaihsun dih un: Amaute in khai tuh lo uh a, an lak cih zong nei lo uh hi. Amaute in beemlepang zong nei lo napi-in Pasian in annek tasamsak lo hi. Vasate sangin note nakpi takin na manpha zaw uh hi.

Luka 12:24 Referans Kwoze

Mattiu 10:31

Tua ahih ciangin, na lau kei un. Note in gitta tampi sangin na manpha zaw uh hi.”

Late 147:9

Amah in ganhingte leh a ham va-ak note an vak hi.

Luka 12:7

Na sam uh zong kisim khin hi. Na kihta kei un; note in gitta tampi sangin na manpha zaw uh hi.”

JOB (Job) 38:41

Va-akte gilkialin leeng kawikawi-in, a note in an duhin kei tungah hong nget ciangin, tua va-akte an a piapa in kua ahi hiam?

JOB (Job) 35:11

Eite mipil-in a hong bawl, ganhingte leh vasate sangin a pil zaw-in a hong bawl Pasian’ lam nga lo uh hi.

Marka 6:26

Kumpipa a dah mahmah hangin, a kiciam zawhna leh sabuai ah a tut khawmpihte a zahtak manin numeino a nial nuam kei hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Mattiu 6:26

“Vanah a om vasate na lungngai un. Amaute in khaici tuhin, vawhin, buh atin, beem sungah a khol kei uh hi. Ahih hangin vantungah a om na Pa un tuate a vaak hi. Tuate sangin note in man tampha zaw hilo na hi uh hiam?

Luka 12:18

Hih bangin bawl ning; ka sal ka phel ding a, a lianzaw ka lam ding hi. Tua sal sungah ka an leh ka sum khempeuh ka koih ding hi.

Luka 12:23

Bang hang hiam na cih uh leh, an sangin nuntakna a lianzaw hi. Puan sangin pumpi a lianzaw hi.