Luka 12:22 - Tedim Bible

²² Khatvei Zeisu in, “Tua ahih ciangin note kiangah kong gen-inah, bang ka ne ding hiam ci-in na nuntak nading uh lunghimawh kei un. Bang ka silh ding hiam ci-in na pumpi ading uh lunghimawh kei un.

Tedim Bible Revision 2017

²² Tua ciangin Jesu in a nungzuite kiangah, “Tua ahih ciangin note kiangah kong genin ah: I nuntak nadingin bang ne dinga, i pumpi tungah bang silh ding ihi hiam, ci-in lunghimawh kei un.

Luka 12:22 Referans Kwoze

Filippi 4:6

Bangmah thu-ah lungmang loin, na khempeuh ah hehpihna phatin na nget nopnate uh Pasian kiangah na ko un.

Hebru 13:5

Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

1 KORIN MASA 7:32

Note in lunghihmawhna tawh na kipelh nading uh ka ut hi. Zi nei lo mi in Pasian lungdamsak nadingin Pasian’ thu a ngaihsun hi.

Luka 12:29

Bang ka ne ding hiam, bang ka dawn ding hiam ci-in na ngaihsun kei un.

Luka 12:11

Amaute in kikhopna inn mai-ah ahi zongin, upate mai-ah ahi zongin, thukhente mai-ah ahi zongin, note hong paipih uh ciangin bangci ka thukkik ding hiam, bang thu ka gen ding hiam ci-in lunghimawh kei un.

Luka 12:23

Bang hang hiam na cih uh leh, an sangin nuntakna a lianzaw hi. Puan sangin pumpi a lianzaw hi.