Luka 12:21 - Tedim Bible

²¹ Tua mah bangin, ama ading sum a khol hangin, Pasian mai-ah a zawng mi in tua pa tawh kibang ahi hi,” a ci hi.

Tedim Bible Revision 2017

²¹ Tua ciangin Jesu in a thugen a khupna-in, “Tua mah bangin amau ading bekin a kholcipte pen Pasianʼ muhna panin mihau hi lo uh hi,” a ci hi.

Luka 12:21 Referans Kwoze

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Luka 12:33

Na neihsa teng zuak un la, hehpihna na pia un. A lui thei lo dangka-ip na bawl un. Gutate’n naih zo lo a, nget in a suksiat theih lohna vantungah a bei thei lo sum na khol un.

Mangmuhna 2:9

“Nangmah in gimna na thuakna, na hau napi-in na zawnna-a kipan Judah mipawl hi lo napi-in ‘Judah mipawl ka hi uh, a kici Satan pawlte in hong kosiatna thute ka thei hi.

Habakkuk 2:9

Mi’ van na suhna uh tawh na mite uh hausakin, lauhuaina leh siatna a ngah loh nadingin na inn uh bawl na hih manun, gimna na ngah ding uh hi.

Hosea 10:1

Israel mite ahih leh a gah pha mahmah leenggui tawh kibang hi. Cithei semsem leh biakna tau tam semsem lam uh hi. A gam sung uh cithei semsem leh biakna khuampi hoih bawl semsem uh hi.

ROM (Romans) 2:5

Tua bangin na lungkhauh leh, a kisik nuam lo na lungsim mah bangin Pasian’ hehna leh Pasian’ thuman thukhenna a kilat Ni ciangin na pumpi tungah hehna na khol hi.

Luka 16:11

Tua ahih ciangin leitunga a naman lo sum tungah na diktat kei uh leh, sum taktak kua in no hong kemsak ding hiam?

Luka 6:24

Sumhau note in gimna na thuak ding uh hi. Bang hang hiam na cih uh leh, nopna na ngah zo uh hi.

2 KORIN NIHNA 6:10

a dahte bang ahi zongin a nuam tawntung mi hi-in, a zawng mite bang ahi zongin a ngah a hau mite hi-in, sum khat beek a nei lo mi bang ahi zongin na khempeuh a nei mite hi-in Pasian’ nasemte ka hi takpi uh a, na khempeuh tawh kilangin ka lak uh hi.

Paunak 13:7

Mi pawlkhatte, zawng napi-in kihau sak uh a, mi pawlkhatte, hau napi-in kizawngsak uh hi.

1 TIMOTI MASA 6:9

Sum a hau nuam mite in kheemna sungah, thang awkna sungah, hai-a noptuamna a siasak thei, deihgawhna atuam atuamte sungah a kia thei uh hi. Tua bang deihgawhna in mite kisiatna sungah a tum mangsak thei hi.