Luka 12:2 - Tedim Bible

² A kilak lo ding a kisincip bangmah om lo hi. A kithei lo ding a ki-imcip bangmah om lo hi.

Tedim Bible Revision 2017

² A kiseelte khatvei teitei kimu dinga, thusimte khatvei teitei thulang suak ding hi.

Luka 12:2 Referans Kwoze

Marka 4:22

A kilak ding longal, a kibu bangmah om lo hi. A kilang ding longal, a ki-im bangmah om lo hi.

Luka 8:17

Bang hang hiam na cih uh leh, a kipholaak lo ding thusim bangmah om lo hi. Khuavak in taan’ in, a kithei lo dinga a kiseelsim thei bangmah om lo hi.

2 KORIN NIHNA 5:10

Bang hang hiam na cih uh leh, eite khempeuh in pumpi-ah i gamtatna ahoih ahoih lo bangin thukhenna ngah ciat dingin Khazih’ tokhom mai-ah i tung tek ding hi.

Thuhilh-sia 12:14

Apha hita leh asia hita leh, a simtham-a i hih simte nangawn, i hihna khempeuh ah, Pasian in thu hong khen ding hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

ROM (Romans) 2:16

Ka thuhilh Lungdamna Thu bangin Pasian in Zeisu Khazih tawh mite’ selsim lungngaihna a khen Ni ciangin tua bangin a khen ding hi.

Jeremiah 16:17

Bang hang hiam cih leh a omdan khempeuh uh ka mit-in ka mu a, kei’ kiang pana a kiseel bangmah om lo hi. A khialhna khempeuh uh zong ka mit panin a kiseel kei hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.