Luka 12:16 - Tedim Bible

¹⁶ Thugentehna khat a gen-inah, “Sumhaupa khat in a lo panin an tampi a nei hi.

Tedim Bible Revision 2017

¹⁶ Tua ciangin Jesu in amaute kiangah thu gentehna khat gen a, “Mihau pa khatʼ lo ah an tampi a piang hi.

Luka 12:16 Referans Kwoze

Hosea 2:8

Ama tungah an, leenggahzu, leh oliv thau ka piakna, leh Baal pasian biak nadingin a zat ngun leh kham tampi tak a piapa ka hih lam phawk kha lo hi.

Late 73:12

En un, hihte migilo ahi hi; a tawntungin nuam takin om hithiat uh a, amaute a hauhna uh khang semsem hi.

Late 73:3

Bang hang hiam cih leh migilote’ daupaina ka muh ciangin mi kihisakte ka eng hi.

JOB (Job) 12:6

Guta mite nuam takin om hit-hiat a, Pasian simmawhte nuam takin nungta hi.

Sawltak 14:17

Ahih hangin tecipan’na om loin amahmah a kinusia kei hi; amah in ama gitna hong lakin, vantung pan guahtui leh amau hun ciat a, a gah an hong pia hi; amah in an tampi hong pia-in na lungtang uh lungnopna tawh hong dimsak hi,” a ci hi.

Mattiu 5:45

Bang hang hiam na cih uh leh, Pasian in miphate leh migilote tungah ama ni a tangsak kim hi. Misiangthote leh misiangtho lote tungah guah a zusak kim hi.

Ezekiel 16:49

Na sanggamnu’ mawhna in: Amah leh a tanute in nek ding tampi nei-in nuamsa mahmahin dai takin om uh ahih manin amaute kiphasak uh a, a zawng a cimawhte don lo uh hi.

Mattiu 13:8

Kimkhatte in lei hoihna-ah kia a, a zah zakhat, a zah sawmguk, a zah sawmthumin a gah hi.

Luka 12:15

Tua zawh ciangin Zeisu in, “Note in huaihamna khempeuh kikemin na tang un. Bang hang hiam na cih uh leh, mihing nuntakna in sum hauh nading ahi kei hi,” a ci hi.

Luka 12:17

An teng koih nading om lo ahih ciangin, bang ka ci hih ding hiam ci-in a lungsim sungah a ngaihsun hi.

JOB (Job) 24:23

Pasian in amah a lungnuamin nungta sak a, ahi zongin amaute langpanin, encik tawntung hi.