Luka 12:12 - Tedim Bible

¹² Bang hang hiam na cih uh leh, na gen ding uh thu tua hun lai takin, Kha Siangtho in hong hilh ding hi,” ci-in a gen hi.

Tedim Bible Revision 2017

¹² Bang hang hiam cih leh a hun a tun ciangin Kha Siangtho in na gen ding teng uh hong hilh ding hi,” a ci hi.

Luka 12:12 Referans Kwoze

Luka 21:15

Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi.

Mattiu 10:20

Bang hang hiam na cih uh leh, note a gen ding na hi kei uh hi; na Pa uh’ Kha Siangtho in note tungah a gen ding hi.

Sawltak 4:8

Tua lai takin Piter in Kha Siangtho tawh kidim a,

Sawltak 6:10

Amaute in Stefen in a zat lungpilna leh Kha Siangtho’ piak kammalte a nial zo kei uh hi.

Paikhiatna 4:11

Tua ciangin Topa in ama' kiangah, "Kua in mipa’ kam bawl ahi hiam? Kua in amah pau thei losak, bilngongsak, musak, mittawsak ahi hiam? Topa ahi keimah hilo ka hi hiam?

Sawltak 7:55

Amah in Kha Siangtho tawh dim a, vantung a ettoh ciangin Pasian’ vangliatna leh Pasian’ ziat lamah a ding Zeisu a muh ciangin,

Paikhiatna 4:12

Tua ahih ciangin tu-in pai in, keimah in na thugenna-ah kong huh ding a, na thugen ding nang kong hilh ding hi,” ci hi.

Mattiu 10:19

Ahih hangin amaute in note hong piak uh ciangin, bang ka ci pau ding hiam, bang thu ka gen ding hiam ci-in lunghimawh kei un. Bang hang hiam na cih uh leh, na gen ding uh thu tua lai takin na ngah ding uh hi.

Luka 12:13

Mihonpi lakah mi khat in, “Sia aw, ka u in ka pa’ gamh sum hong hop nadingin thu na pia in,” a cih leh,