Luka 12:11 - Tedim Bible

¹¹ Amaute in kikhopna inn mai-ah ahi zongin, upate mai-ah ahi zongin, thukhente mai-ah ahi zongin, note hong paipih uh ciangin bangci ka thukkik ding hiam, bang thu ka gen ding hiam ci-in lunghimawh kei un.

Tedim Bible Revision 2017

¹¹ Thusitna a thuak dingin kikhopna inn ah ahi a, hausa zumah ahi zongin hong paipih uh ciangin bang gen dinga, bangci kihut ding ka hi hiam, ci-in lunghimawh kei un.

Luka 12:11 Referans Kwoze

Luka 12:22

Khatvei Zeisu in, “Tua ahih ciangin note kiangah kong gen-inah, bang ka ne ding hiam ci-in na nuntak nading uh lunghimawh kei un. Bang ka silh ding hiam ci-in na pumpi ading uh lunghimawh kei un.

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Paikhiatna 4:12

Tua ahih ciangin tu-in pai in, keimah in na thugenna-ah kong huh ding a, na thugen ding nang kong hilh ding hi,” ci hi.

Mattiu 6:25

Tua ahih leh ‘Bang ka ne, bang ka dawn ding hiam?’ ci-in na nuntak nading uh lunghimawh kei un, ‘Bang ka silh ding hiam?’ ci-in na pumpi ading lunghimawh kei un. An sangin nuntakna a lianzaw hi. Puan sangin pumtak lianzaw hilo ahi hiam?”

Mattiu 6:27

A lunghihmawh manin tong khat beek a khangkhan thei note lakah kua a om hiam?

Mattiu 6:28

Puan silh dingah bang hangin lunghimawh na hi uh hiam? Gamlakah unok kungte in bangci khang thei ahi uh hiam ci-in lungngai un. Amaute in na lah sem lo, khau lah kheek lo uh hi.

Mattiu 6:31

Tua ahih ciangin, ‘Bang ka ne ding hiam? Bang ka dawn ding hiam? Bang ka silh ding hiam?’ ci-in lunghimawh kei un.

Mattiu 6:34

Tua ahih ciangin, zing ciang ading na lunghimawh kei un. Zing ciang in ama ading a lunghimawh ding hi. Tuni a, om lungkhamna in tuni ading a kicing hi.”