Luka 12:1 - Tedim Bible

¹ Tua lai takin khat leh khat khe kisik kha dongin mi tul tampite a kikhawm uh hi. Zeisu in a nungzuite kiangah a gen masak pen-inah: “Mi simtatna ahi Farisaite’ silngo kikem un la, na tang un.

Tedim Bible Revision 2017

¹ Mi a tul tampite hong kikhawmin khatlekhat a kisik kha gawp dongin kinehcipin a om laitakin Jesu in a nungzuite kiangah thu gen masa a, “Farisi miteʼ kineihkhemna ahi, a silngo uh limtakin kidawm un.

Luka 12:1 Referans Kwoze

1 PETER MASA 2:1

Tua ahih ciangin Topa in a pha hi ci-in note in na ciam zo uh ahih leh, gitlohna khempeuh, mi kheemna leh simtatna leh en’na khempeuh, gensiatna apawl apawl khempeuh note in paaikhia-in hong gupkhiatna ah na khan’toh nadingun Pasian’ thu nawizu siangtho a duh a suak tung naupangte bangin lungsim na nei un.

Jeim 3:17

Vantung pan hong tung pilna in a masa belin a siangtho hi. A nung ciangin kilemna ahi hi, lungnemna ahi hi, zol baihna ahi hi, hehpihna leh gah pha tawh a dim hi, maitang zahtakna leh simtatna a om kei hi.

Luka 12:56

Mi simtatte aw, note in van leh lei maitang na khen thei uh hi. Tu lai tak hun bang hangin khen thei lo na hi uh hiam?”

JOB (Job) 36:13

“Migilote a heh-in ni tum uh a, gimna a thuak ciang nangawn-un ama huh ding ngen lo uh hi.

JOB (Job) 27:8

Pasian in amaute’ nuntakna a laksak hun ciangin, migilote’ ading bang lametna om ahi hiam?

JOB (Job) 20:5

migilote’ nopsak hun a tomna thu, Pasian a thudon lote’ lungdam hun a tomna thu thei lo na hi hiam?

2 KUMPI NIHNATE 7:17

Tu-in kumpipa in a khut tungah a kingapnapa ahi a ukpa pen kulh kongpi ukin seh hi; tua ciangin mite in kulh kongpi ah ama tung sikin pai uh a, ama kiangah kumpipa a paisuk lai takin Pasian’ mipa’ gensa bangin amah si hi.

1 KORIN MASA 15:3

Ka ngah bangin note kiangah ka hong gen masak thu in: Lai Siangtho sungah a kigelh mah bangin Khazih in eite mawhna taang ding sihna a thuak hi.

Sawltak 21:20

Amaute in a zak uh ciangin Pasian’ min a phat uh hi. Paul kiangah zong, “Sanggam aw, thu-um Judah mi then bangzah a om na thei hi. Tua mite khempeuh in Thukham hahkatin a zui uh hi.

Luka 11:44

Note in gimna na thuak ding uh hi. Bang hang hiam na cih uh leh, a kilang lo hankhuk tawh kibang na hi uh hi. A tungah a pai mite in han om ci-in a thei kei uh hi,” ci-in a gen hi.

Luka 6:17

Zeisu in amaute tawh mual tung pan kumsuk khawm a, mun zangah a ding hi. Thu ngaih nading ahi zongin, cidamna ngah nading ahi zongin, Judah gam pan akipan, Jerusalem khuapi pan, Tai-ar leh Sidon khua tuipi gei pan, mi tampite leh ama nungzuite tampite zong hong pai uh hi.

Luka 5:15

Ahih hangin Zeisu thu kizeel semsem a, mihonpite in thu ngai ding ahi zongin, cinate in damna ngah ding ahi zongin a kikhawm uh hi.

Luka 5:1

Tua lai takin Zeisu kiangah, mihonpite in neh uh a, Pasian thu a ngaih lai takun Gennesaret tuili geiah amah a ding hi.

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

Hebru 12:22

Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.