Luka 11:9 - Tedim Bible

⁹ “Khatvei ka cih-inah, ngen un. Na nget uh leh, hong pia ding hi. Zong un, Na zon’ uh leh, na mu ding uh hi. Kongkhak kiu un. Na kiuh uh leh, hong kihon’ ding hi.

Tedim Bible Revision 2017

⁹ Tua ahih manin note kiangah kong cih in ah: Ngen un; na ngah ding uh hi. Zong un; na mu ding uh hi. Kiu un; kongkhak hong kihon ding hi.

Luka 11:9 Referans Kwoze

Marka 11:24

Tua ahih ciangin, ke’n kong cih-inah thu ngen a, na nget khempeuh uh ngah ding cih na up uh leh, na ngah ding uh hi.

Mattiu 21:22

Upna tawh thu na nget uh leh, na nget khempeuh uh na ngah ding uh hi,” a ci hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Johan 15:7

Kei sungah na om uh a, ka thu in note sungah a om leh, na ngetpeuh peuh uh na ngah ding uh hi.

Johan 14:13

Note in keima min suangin thu na nget khempeuh uh Ta tungah Pa’ minthan’na a kilat nadingin ka hih ding hi.

1 JOHAN MASA 3:22

A piak thupiaknate zui-in, amah a lungdamsak ding nate i bawl maninah i ngetna peuhmah ama kiang pan i ngah hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

Late 118:5

Ka cihmawhna-ah Topa ka sam a, Topa in hong dawng-in mun tanzau-ah hong koih hi.

Jeremiah 29:12

Tua hun ciangin note in kei hong samin, hong pai-in thu nong ngen ding uh a, ke’n zong kong dawng ding hi.

Hebru 11:6

Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

Jeim 5:15

Tua bang na bawl uh leh, upna thungetna in cinate a noptuamsak ding a, Topa in amah a thosak ding hi. Amah in mawhna ahih khak leh zong, tua mawhna a maisak ding hi.

Jeremiah 33:3

Kei nong sap leh kong dawngkik ding a, na theih ngei nai loh a ki-im cip thu lianpite kong gen ding hi.

Late 34:10

Humpinelkai khang laite in kisapna leh gilkialna thuak hi; ahih hangin Topa a zongte in na hoih a kisap uh om lo hi.

Hebru 4:16

Tua ahih ciangin eite in hehpihna leh a kilawm hunah hong huhna thupha ngah nadingin, lau lohna lungsim tawh hehpihna’ tokhom kiangah nai ni.

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Late 34:4

Keimah in Topa ka zong a, amah in kei hong dawngin, ka launa khempeuh panin hong honkhia hi.

Johan 4:10

Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

Late 27:8

“Ka mai hong zong in,” na ci khin zo hi. Ka lungsim in nang tungah, “Topa aw, nangma mai kong zong hi,” ci hi.

Mattiu 6:29

Ahih hangin Solomon nangawn a minthan’na puan a silh lai takin tua unok khat bangin kizeem lo hi, ci-in kong gen hi.

2 KORIN NIHNA 6:2

Bang hang hiam na cih uh leh: “A kilawm hun ciangin nangma kam ka ngai hi, gupna ni ciangin nang kong huh hi,” Pasian in a cih mah bangin tu laitak in a kilawm hun ahi hi, tu laitak in gupna ni hun ahi hi.

Marka 13:37

Note kiangah kong cih mah bangin, mi khempeuh kiangah zong, ‘Ngak un,’ ka ci hi,” ci-in Zeisu in a gen hi.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Late 27:4

Topa’ tungah na khat ka ngen khin a, tua ngen-a ka zon’ ding pen: Topa’ inn sungah ka khan’ tawntungin om nading, Topa’ hoihna et ding leh ama biakinn sungah thu dot dingte ahi hi.

Daniel 9:3

An ngawlin, ippi puan silhin, vut lakah tu-in, Topa’ kiangah deihtakin thu ka ngen hi.

Mattiu 21:31

Tua tate gel koi pen in a pa’ deihna banga ta ahi hiam?” ci-in a dot ciangin amaute in, “A tapa upa pen a ta hi,” a ci uh hi. Zeisu in, “Ke’n aman takpi kong cih-inah, phiangsiah dongte leh numei gilote in Pasian Gam sungah note sangin a lut masa zaw ding uh hi.

Isaiah 45:19

Keimah in mun simtham, khuamialna gam sungah thu ka gen kei hi; Jakob’ suan leh khakte kiangah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Mangmuhna 2:24

Ahih hangin kong gensa thuhilhna a mang lo, Satan thu thukpi a kici nate a thei lo, a siam lo Thiatira khua-a a om lai mite kiangah kong geninah: no tungah adang van ka hong suan kei ding hi.

Solomon la 5:6

Ka ngaihno, lutsak dingin kong ka hon’ a, amah na taikhia khin ta hi. Amah a taikhiat manin ka dah lua a, amah ka zon’ hangin ka mu kei a, amah ka sap hangin hong dawng lo hi.

Luka 11:10

Bang hang hiam na cih uh leh, a ngente khempeuh in a ngah ding uh hi. A zongte khempeuh in a mu ding uh hi. A kiute khempeuh ading kongkhak a hon’ ding hi.