Luka 11:46 - Tedim Bible

⁴⁶ Zeisu in, “No thukham siate aw, no zong gimna na thuak ding uh hi. Bang hang hiam na cih uh leh, a puak hak van midangte na suat uh hangin, na khutme khat nangawnun na lawng nuam kei uh hi.

Tedim Bible Revision 2017

⁴⁶ Jesu in, “No Thukham hilh siate in zong gimna na thuak ding uh hi. Note in a puak hak mahmah ding van, mite tungah na suan uh a, ahi zongin tua van a puak pih dingin na khut meno khat nangawn uh na tangsak nuam kei uh hi.

Luka 11:46 Referans Kwoze

Luka 11:52

No Thukham siate aw, gimna na thuak ding uh hi. Bang hang hiam na cih uh leh, note in lungpilna’ konghon’na na lakhia uh hi. No lah lut loin, a lut nuamte zong na kham uh hi,” a ci hi.

Galati 6:13

Bang hang hiam na cih uh leh, vunatna a thuak mite in Thukham zui loin note’ pumpi uh hangin kisathei nuamin note vunat nading a deih uh hi.

Isaiah 10:1

A cimawh ka mite thutang heikhiat sakin, keima mite sungah a zawngte’ thuneihna sutkhia-in, meigong numeite’ neihsate amau’ aa suaksakin, pa nei lote’ neihsa a sut a man lo thukhensatna pia a, nenniamna thu lai-a, a gelhte in gimna ngah ta hen!

Luka 11:45

Thukham siate khat in, “Sia aw, tua bang na gen ciangin ko zong na hong taai hi,” a cih ciangin,

Isaiah 58:6

“Kei’ deih antan’na pen hih bang ahi hi! Gitlohna khaute phelin, hakkol savun khaute phel a, a kinengniam mite khahkhia-in, hakkol khempeuh suktan ding ahi hi.

Mattiu 22:35

amau laitheipa khat in Zeisu ze-et a,