Luka 11:45 - Tedim Bible

⁴⁵ Thukham siate khat in, “Sia aw, tua bang na gen ciangin ko zong na hong taai hi,” a cih ciangin,

Tedim Bible Revision 2017

⁴⁵ Tua ciangin Thukham hilh siate khat in Jesu kiangah, “Sia aw, hih bang thu na gen ciangin kote zong a hong ko bawl na hi hi,” a ci hi.

Luka 11:45 Referans Kwoze

Jeremiah 6:10

Keimah in ka dawngkik a, “Amaute in a zaktheih dingun kua’ kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Johan 9:40

Ama kiangah a om Farisaite kimkhat in tua thu a zak uh ciangin, “Ko zong mittaw ka hi uh hiam?” ci-in a dong uh hi.

Johan 7:48

Upa vaihawmte lakah ahi zongin, Farisaite lakah ahi zongin amah a um mi khat beek a om hiam?

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

Luka 11:52

No Thukham siate aw, gimna na thuak ding uh hi. Bang hang hiam na cih uh leh, note in lungpilna’ konghon’na na lakhia uh hi. No lah lut loin, a lut nuamte zong na kham uh hi,” a ci hi.

Luka 11:46

Zeisu in, “No thukham siate aw, no zong gimna na thuak ding uh hi. Bang hang hiam na cih uh leh, a puak hak van midangte na suat uh hangin, na khutme khat nangawnun na lawng nuam kei uh hi.

Mattiu 22:35

amau laitheipa khat in Zeisu ze-et a,

Jeremiah 20:8

Bang hang hiam cih leh thu ka gen simin, “Ngongtatna leh kisiatna!” ci-in ka kiko den hi. Bang hang hiam cih leh Topa’ kammal ka genkhiatna hangin ni simin simmawhna leh zahpihna ka thuak lawh hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

Luka 7:30

Ahih hangin, Farisaite leh laitheite in amau noptuam nadingin Pasian’ deihna a nial uh a, Johan’ baptaizna a sang kei uh hi.