Luka 11:42 - Tedim Bible

⁴² “Farisaite aw, note in gimna na thuak ding uh hi. Bang hang hiam na cih uh leh, leengmasel leh anis leh meh namkim sehsawm suah sehkhat na piak uh hangin, aman thukhenna leh Pasian itna na nusia uh hi. Adangte tang lo tuan loin, hihte zong tan’ ding kilawm hi.

Tedim Bible Revision 2017

⁴² “No Farisi mite in gimna na thuak ding uh hi. Note in Pasian tungah lengmasel, thuambuak a kipan anteh theipuam dongin sawm-ah-khat pia napi-in, mite tungah thuman ding le Pasian it ding na don kha kei uh hi. Hihte khempeuh na hih kim ding uh hi a, paih khiatna neih ding uh hi lo hi.

Luka 11:42 Referans Kwoze

Mattiu 23:23

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, leengmasel, anis leh, kummin, sehsawm suah sehkhat na piak uh hangin, thuman thukhenna, midangte hehpihna, gamtatna phate ahi Thukham sungah a lianpen thute na tang kei uh hi. Adangte sangin, hihte na tan’ ding uh a kilawm zaw hi.

Luka 18:12

Keimah in ni sagih lakah ni nih an ka tang hi. Ka neih ka lam khempeuh sung pan sehsawm suah sehkhat ka khia hi,’ ci-in kisialin thu a ngen hi.

1 JOHAN MASA 4:20

Mi khat peuhmah in, “Pasian ka it hi,” ci napi-in a u a nau a it kei leh, tua mi in thuzuau gen mi ahi hi. Bang hang hiam na cih uh leh, a muh theih a u a nau a it kei leh, a muh theih loh Pasian bang ci a it zo ding hiam?

Malakhi 3:8

Keimah in note kong dot nop thu in, mi khatpeuh in Pasian’ na a guksak ding kilawm ahi hiam? Kilawm lo hi napi-in note in nong guksak uh hi. Ahi zongin note in, ‘Bang hong guksak ka hi uh hiam?’ na ci uh hi. Sawm-ah khat piakna leh biak piaknate ah nong guksak uh hi.

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Paunak 21:3

Topa in biakpiakna sangin, thuman thutang deihzaw hi.

Mattiu 23:27

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, suangkangtui a kizut, han tawh kibang na hi uh hi. Tua hante a pualam a hoih uh hangin, a sungah misi guh leh kihhuaina khempeuh tawh a kidim hi.

1 SAMUEL MASA 15:22

Tua ciangin Samuel in, “ Topa in meihal biaknate leh biakpiaknate, Topa’ thu man’ ding zahin deih ahi hiam? En in, biakpiakna sangin thuman’ ding hoihzaw a, tuutal thaute sangin thungaih ding hoihzaw hi.

Johan 5:42

Ahih hangin, Pasian itna lungsim na neih loh uh ke’n ka thei hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Thuhilh-sia 7:18

A nih tuakin lenkip in. Pasian na zahtak nak leh, khatpeuhpeuh na zuihna-ah na ma vang ding hi.

Nehemiah 10:37

leh annel lom i meek masakpen siampite tungah i puak ding, leh gah nei sing khempeuh panin a gah masa, sathau leh leenggahzu thakte khempeuh i Pasian’ inn vankoihna-ah i puak ding, leh lo khawhna i khuaneute khempeuh ah sehsawm suah sehkhat a kaikhawmte in Levi mite ahih manin i leitang panin i sehsawm suah sehkhat khempeuh Levi mite kiangah i puak ding ka kiciam uh hi.