Luka 11:41 - Tedim Bible

⁴¹ Ahih hangin kuang sunglam a om nate mizawngte na pia un. Tua bang na hih uh leh, na khempeuh note mai-ah a siangtho ding hi.”

Tedim Bible Revision 2017

⁴¹ Ahi zongin na hai leh na kuang sung uh ah a omte pen itna tawh mizawngte tungah pia le-uhcin, note adingin na khempeuh hong siang ding hi.

Luka 11:41 Referans Kwoze

Luka 12:33

Na neihsa teng zuak un la, hehpihna na pia un. A lui thei lo dangka-ip na bawl un. Gutate’n naih zo lo a, nget in a suksiat theih lohna vantungah a bei thei lo sum na khol un.

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

Titu 1:15

Mi siangtho mai-ah na khempeuh a siangtho hi. A siangtho lo leh thu-um lo mite mai-ah ahih leh, bangmah a siangtho kei hi; amaute lungsim uh leh amau lungsim-theihna uh zong a siangtho kei hi.

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Sawltak 10:15

Khatvei aw in hong kiko a, “Pasian in a sian’ thosakte a siangtho lo na sa kei in,” a ci kik hi.

Luka 16:9

Ke’n kong cih-inah, aman lo sum tawh lawmte na ngah ding uh hi. Tua hi leh, tua sumte a bei ciangin a om tawntung buk sungah amaute in a hong tungsak ding uh hi.”

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Paunak 14:31

Mizawngte bawlsiatna in a piangsak Pasian simmawhna hi a, mizawngte tungah citna in Pasian zahtakna ahi hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

2 KORIN NIHNA 8:12

Bang hang hiam na cih uh leh, hih nopna lungsim a om leh, hih zawh lohna ngaihsun loin, hih zawh ding bek ngaihsutna in a deihhuai na ahi hi.

Luka 19:8

Zakkhias ding a, “Topa aw, keimah in ka neihsa kimkhat mizawngte ka pia ding hi. Mi khatpeuh na ka lakkhak leh, a zah li-in ka loh kik ding hi,” a ci hi.

Luka 18:22

Zeisu in tua a zak ciangin, “Na khat na sam lai hi. Na neihsa teng zuak in la, mizawngte kiangah na hawmsak in. Tua hi leh, vantungah sum na nei ding hi.Tua khit ciangin ka nung hong zui in,” a ci hi.

Mattiu 5:42

A hong ngente na pia un. A hong leitawite na nungngat kei un.”

Late 112:9

Amah in hawmkhia zuahzuah a, mizawngte tungah pia khin hi; ama migitna kip tawntung a, amah vanglianin, kipahtawi ding hi.

Late 41:1

Mi gentheite a khual mi in thupha ngah ahi hi. Topa in haksatna hunah amah honkhia hi.

Efesa 4:28

Nidang lai-a guta mi in gu nawn loin, sapna neite a hop zawh, a piak zawh nadingin ama khut tawh nasepna a hoih hahkatin sem ta hen.

Sawltak 11:29

Nungzuite in a hih theih zah ciat bangun Judah gamah a om u leh naute kiangah huhna sum khak dingin a vaihawm uh hi.

Mattiu 26:11

Amah in kei tungah thupha hong bawl zo hi. Mizawngte in no kiangah a om tawntung ding uh hi. Kei ka hih leh, no tawh omkhawm tawntung ding ka hi kei hi.

Sawltak 24:17

Tu-in kum sawtpi khit ciangin keima pawlte hehpihna leh lungdamna letsong pia dingin kong pai hi.

Paunak 16:6

Thumanna leh cihtakna in mawhmai ngahna hi a, Topa zahtakna in siatna tawh kipelhna hi.

Marka 7:19

Bang hang hiam na cih uh leh, ama lung sungah lut loin a gilpi sungah tumsuk a, gil sung pan a kithakhia hi,” a ci hi. Tua bang a gen ciangin sa khempeuh a siangthosak hi.