Luka 11:4 - Tedim Bible

⁴ Ko tungah hong mawhte ka maisak uh bangin, kote mawhna zong hong maisak ta in; Kheemna hong thuaksak kei in,’ ci-in na ngen un,” a ci hi.

Tedim Bible Revision 2017

⁴ Kote tungah a hong mawhte mawhmaisakna ka neih bangun koʼ mawhna zong hong maisak in. Ze-etna lian hong thuaksak keʼn,’ ci-in na ngen ding uh hi,” a ci hi.

Luka 11:4 Referans Kwoze

Mattiu 26:41

Kheemna tawh na kipelh theih nadingun thu ngen un la, ngak un. Lungsim a ut hangin pumpi a thazawng hi,” ci-in Piter kiangah a gen hi.

Kolose 3:13

Khat leh khat na kimawhsak nading uh a om ciangin kithuak un la, na kiniamsak un. Topa in note mawhna hong maisak mah bangin note zong khat leh khat na kimaisak ciat un.

Mattiu 18:35

Note in zong na u na nau uh’ khialhna na lungsim panun maisak kei le-uh teh, vantung khua-ah a om ka Pa in tua kumpipa mah bangin, note khempeuh tungah hong bawl ding hi.” a ci hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

2 TIMOTI NIHNA 4:18

Topa in thu hoih lo khempeuh pan hong honkhia a, ama vantung dongin hong kha ding hi. Tua Topa in a tawntungin minthan’na ngah ta hen. Amen.

2 THESALONIKA NIHNA 3:3

Ahih hangin Topa in midik hi a, note hong kipsakin thu hoih lote tawh hong kipelhsak ding hi.

1 KORIN MASA 10:13

Mi in a thuak theih loh ze-etna khat beek na thuak kei uh hi. Pasian in thumanna lungsim tawh kidim ahih ciangin na thuak zawh loh uh ze-etna hong tun’ nadingin thu a pia kei ding hi. Note in na thuak ding uh ze-etna a hong tun’sak ciangin na thuak zawh nadingun suahtak nading lampi zong hong bawlsak ding hi.

Johan 17:15

Amaute leitung pan na lakhia in ci-in thu kong ngen kei hi. Gilopa tawh a kipelh nadingun amaute na kep nadingin thu kong ngen hi.

Luka 22:46

Amaute kiangah, “Note in bang hangin ihmu na hi uh hiam? Tho un la, kheemna tawh na kipelh theih nadingun thu na ngen un,” a ci hi.

Luka 8:13

Suang lakah a kiate in, thu a zak ciangin lungdamin a mang pahte ahi uh hi. Amaute in zung kip nei lo uh a, tawlkhat kikal a up uh hangin khemna a thuak uh ciangin a tawp kik uh hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Daniel 9:19

Topa aw, ka thungetna uh hong za in la, ka mawhna uh hong maisak in. Topa aw, hong ngai in la, na hong sem in! Na min na khualna tawh hong zekai kei in. Hih khuapi leh hih mite in nangma neihsa ahi hi,” ka ci hi.

Late 25:18

Ka gimna leh ka thuaknate ngaihsun in la, ka mawhna khempeuh hong maisak in.

Mangmuhna 3:10

Nangmah in kei thuakzawhna tawh kipawl thute na zui zo ahih ciangin, leitungah a om mite thu dong dingin leitung khempeuhah a tung ding ze-etna hun panin nang kong liah ding hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Late 121:7

Topa in, siatna khempeuh panin nang hong hu ding a, amah in a muanhuai-in nang hong kem ding hi.

Late 25:11

Topa aw, ka mawhna lian ahih manin, nangma min hangin keima mawhna hong maisak in.

1 KUMPI MASATE 8:36

vantung pan za-in na mi Israel, na nasemte’ khialhna maisak in la, amaute’ zuih ding lampi hoih hilh in; tua ciangin na mite tungah gamh-in na piaksa leitang tungah guah zusak in.

1 KUMPI MASATE 8:34

vantung panin za-in na mi Israelte’ khialna maisak in la, a pu a pate uh tungah na piak leitangah amaute paipih kik in.

Piancilna 48:16

siatna khempeuh panin kei hong tankhia vantungmi in hih tangvalte thupha pia in; amaute' sungah keima' min leh ka pa Abraham leh Isaak’ min kizomsak in; leitung laizang ah amaute mi honpi khatin khangsak in,” ci hi.

Luka 11:5

Zeisu in, “Note khatpeuh in lawm nei a, zankim lai takin ama innah pai a, ‘Lawm aw, keima lawmte khat hong zin a, kei kiangah hong tung zo hi.

Luka 13:4

Tua tham loin Siloam inn sangpi puk a, a delhlup mi sawm leh giatte in Jerusalem khua sungah a om mi khempeuhte sangin mawhna a hauh zawk uh um na hi uh hiam?