Luka 11:39 - Tedim Bible

³⁹ Topa in, “No Faraisaite in hai leh dalkuangte a pua lam na silsiang uh hangin, na sung lam uh ah ngongtatna leh gitlohna tawh na kidim uh hi.

Tedim Bible Revision 2017

³⁹ Tua ciangin Topa in ama kiangah, “No Farisi mite in hai leh kuangte a pualam na siangsak uh a, ahi zongin note na lungsim sung uh ah huaihamin na gi kei uh hi.

Luka 11:39 Referans Kwoze

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

Titu 1:15

Mi siangtho mai-ah na khempeuh a siangtho hi. A siangtho lo leh thu-um lo mite mai-ah ahih leh, bangmah a siangtho kei hi; amaute lungsim uh leh amau lungsim-theihna uh zong a siangtho kei hi.

Sawltak 5:3

Piter in, “Ananias aw, nang in Kha Siangtho kheem a, lei na zuak a man kimkhat na seel nadingin Satan in nang lungsim bang tawh hong dimsak hiam?

Mattiu 15:19

A hoih lo ngaihsutna, mithahna, mi’ zi tungah mawhna, numei tawh mawhna, mi’ sum gukna, zuauthu teci pan’na, mi gensiatna, tuate in lungsim sung pan a paikhia hi.

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.

Paunak 30:12

Amaute a nin mahmah kim lai hi napi-in, amau’ muhna-ah siang a kisa mahmah mi pawlkhat om hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Galati 1:14

ka pu ka pate’ khut tung pan ka ngah ngeina siamin ka zuih zawk thu ahi zongin note in na thei uh hi.

Johan 12:6

Tua bang a cih in mizawngte phattuamna ding ngaihsun hi lo hi; amah in gutapa hi a, dangka-ip tawi ahih ciangin, a sunga omsa teng sawk thei ahih hang hi.

Luka 16:15

Zeisu in, “Note in mite mai-ah phatna na lak nuam uh hi. Ahih hangin Pasian in note lungsim uh a thei hi. Bang hang hiam na cih uh leh, mite phatna in Pasian mai-ah kihhuaina ahi hi.”

Luka 7:13

Zeisu in tua numei a muh ciangin hehpihhuaisa a, “Kap kei in,” a ci hi.

Zefaniah 3:3

A uliante, a hawk thei humpinelkai gilkial bang a, a thukhente, keivom gilkial bang uh hi. Zing khuavak mateng a saguh nek a nusia nuam lo, a huaiham gamsate tawh kibang uh hi.

Ezekiel 22:27

A kumpi uliante uh pen a samatsa uh a bal gawpgawp ngia hon tawh kibang hi. Sum ngah theihna dingin mi that uh hi.

Ezekiel 22:25

A uliante uh pen ganhing a that humpinelkai hawk tawh kibang uh hi. Amaute in mi thatin, a sum leh a neihsa khempeuh laksak uh a, a mi thahna hangun numei tampi tak meigong suaksak uh hi.

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Paunak 26:25

A lungsim-ah a deihhuai lo thu sagih tak om ahih manin, kam khum tak-a a pau manin um kha kei in.

Late 22:13

humpinelkai hawk leh sabawh nuam bangin amaute in kei hong kamkat beba uh hi.

2 KHANG TANGTHU NIHNATE 25:2

Amah in Topa’ mit-ah a man gamta a, ahi zongin lungsim paubaang lo hi zo nai sam lo hi.

2 TIMOTI NIHNA 3:5

Pasian biakna puatham teng zui uh a, ahih hangin a vangliatna a nial mi ahi ding uh hi. Tua bang mite na peel in.

Johan 13:2

Dawimangpa in Simon’ tapa Judas Iskariot sungah Zeisu a lehheek nadingin lungsim a guan’ khit ciangin; nitak an a nek lai takun,

Paunak 26:23

Tungtham bek-a kamkhum pauna in, cimbeng kizut leibel tawh kibang hi.

Luka 7:19

Johan in ama nungzuite nih sam a, Topa kiangah sawlin, “Nangmah in hong pai dingpa taktak na hi hiam? A hih kei leh midang khat ka lamen lai ding uh hiam?” ci-in a dongsak hi.