Luka 11:36 - Tedim Bible

³⁶ Tua ahih ciangin, mun khat beek mial loin, na pumpi a vak leh, meivak’ vang tang in nang khuavak a hong pia bangin, na pumpi in khuavak tawh a kidim ding hi,” a ci hi.

Tedim Bible Revision 2017

³⁶ Tua bang hi peuh leh, meivak a taan ciangin khua na muh uh mah bangin na pumpi uh adingin khua mialna mun om loin a vekpi-in a taangkim ding hi,” a ci hi.

Luka 11:36 Referans Kwoze

Paunak 20:27

Topa in mihing lungsim meivak bangin zang a, i sung tawng dong hong entel hi.

Paunak 6:23

Bang hang hiam cih leh thupiaknate in meivak hi a, hilhnate in a taang mahmah khuavak bang hi-in, khalna leh hilhnate in nuntak nading lampi hi a,

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Paunak 1:5

Mi ciimsate ciimsak semsemin, mipilsate pilsak semsem-in,

Jeim 1:25

Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.

Hebru 5:14

Ahih hangin an tak in a sia a pha khen theihna pilna a nei, zakna muhnate zangin zongsang a, amau leh amau a kiseksa, a picing mite’ ading ahi hi.

Efesa 4:14

Bang hang hiam na cih uh leh, mi dangte in mi kheemna mawhna lamah zol dingin, kheemna thu gen ahih ciangun, eite in a nung ciangin thuhilhna khempeuh ah huih in a let kawikawi naupang suak loin,

Mattiu 13:52

Zeisu in, “Tua ahih leh, Vantung Gam thuzui a suak laithei khempeuh in sumkholna pan a thak leh a lui a lakhia thei inn teekpa tawh kibang uh hi,” a ci hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Isaiah 42:16

Amau’ theih loh lampi ah mittawte ka paipih ding a, amau’ theih ngei loh sul zuihpih-in ka kha ding hi. Amau’ mai-ah khuamial pen khuavak suaksakin, a phokna munte a tam-in ka bawl ding hi. Hihte pen keima hih ding nate hi a, tuate sem loin ka nusia kei ding hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Mattiu 5:15

Mite in meivak a vak khit uh ciangin seeng a khuh kei uh hi. Inn sungah mi khempeuh in meivak a muh nadingun, a kho sangah a vaak uh hi.

Luka 11:35

Tua ahih ciangin, na sungah a om khuavak in khuamial ahi hiam, hi lo hiam na en in.

Luka 11:37

Tua thu a gen lai takin Farisaite khat in, Zeisu an vak dingin a sap leh, pai a, an ne dingin a sabuai ah a tu hi.