Luka 11:34 - Tedim Bible

³⁴ Na mittang in na pumpi’ meivak ahi hi. Na mit a vak leh, na pumpi zong a vak kim ding hi. Na mit a man’ leh, na pumpi khempeuh zong a mial ding hi.

Tedim Bible Revision 2017

³⁴ Na mittang uh noteʼ pumpi adingin meivak tawh kibang hi. Na mit uh ciim leh na pumpi khempeuh un hoihtakin mu thei a, na mit uh maang leh na pumpi uh adingin khuamial ahi hi.

Luka 11:34 Referans Kwoze

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Late 119:18

Nangma thukham sung panin a lamdang nate ka muh theih nadingin keima mitte hong hon’sak in.

Kolose 3:22

Silate aw, Pasian kihta-in, mihing pahtaak ding ut-a mi’ maitang bekah mang hi loin, lungka loin, ci-le-sa tawh kipawl na tote uh thu khempeuh na mang un.

2 KORIN NIHNA 11:3

Gulpi in ama zuauna tawh Evua a kheem mah bangin note lungsim ngam-in kisia-in, Khazih lamah a om khin na lungsim siangtho uh a mangthang ding hi ci-in ka lunghihmawh hi.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

Jeremiah 5:21

“Ngai un, ngaihsutna nei lo mihaite aw, mit nei napi-a mu lote, bil nei napi-a za lote aw.

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

Marka 4:12

amau enin, a en napi-un a mu kei ding uh a; ngai-in, a ngai napi-un a khiatna thei lo ding uh ahih ciangin, amaute thugentehna tawh ka hilh hi.”

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Marka 8:18

Na lungsim uh khauh khauh lai ahi hiam? Mittang nei napi-in mu lo, bil nei napi-in za lo, phawk lo na hi uh hiam?

Isaiah 44:18

Amaute in bangmah thei lo, amaute in bangmah khentel thei lo uh hi; bang hang hiam cih leh amaute in bangmah a muh loh nadingun amah in a mit uh humsakin, bangmah a theih loh nadingun a lungsim uh khaksak hi.

Sawltak 13:11

Tu-in na tungah Pasian’ khut om ding a, ni mu loin tawlkhat na mit taw ding hi,” a cih ciangin thakhatin meii leh khuamial in a tungah tung a, a khut kilenin a paipih dingin mi kawi zon’in a om hi.

Isaiah 29:10

Bang hang hiam cih leh Topa in note tungah nakpi ihmut nopna lungsim hong guang a, nomau’ mit ahi kamsangte mitsi sak-in, nomau’ lutang ahi thu mutheite khuhcip hi.

Isaiah 6:10

amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah lohna dingun hih mite lungsim mawl sak in la, amau bil uh ngong sak in la, a mit uh va si sak in,” hong ci hi.

Late 81:12

Tua ahih ciangin amau ut banga gamta dingin amau lungsim khauhna bangin ka tasak hi.

Efesa 6:5

Silate aw, Khazih thu na ngaih uh mah bangin launa tawh, kihta-in, liingin, lungka loin, ci-le-sa bangin na tote uh thu na mang un.

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Marka 7:22

mi’ sum gukna, mi thahna, mi’ zi tungah mawhna, huaihamna, gitlohna, mi kheemna, kihhuai deihna, een’na,

Isaiah 42:19

Ka nasempa bangin kua a mit taw a, keima sawl ka kamtaipa bangin kua a bil ngong ahi hiam? Keima thuciampihpa bangin kua a mit taw a, Topa’ nasempa bangin kua a mit taw ahi hiam?

Paunak 28:22

A huaiham mi in a hauh nadingin huai mengmeng a, a tawpna-ah a zawn’ ding lam tak phawk kha lo hi.

Piancilna 19:11

Inn kongkhak-a om mi a neu a liante amaute in a mit uh tawsak a, tua ahih ciangin kongkhak a zawt zawt hangun mu zo lo uh hi.

Paunak 21:4

Kihisak-a gamtatna leh kiphatsakna lungsimte in, mawhna hi a, migilo hihna lim ahi hi.

Isaiah 5:20

A phate sia ci-in, a siate pha ci a, khuavak dingin khuamial koihin, khuamial dingin khuavak koih a, a khum dingin a kha koihin, a kha dingin a khum a koihte in gimna ngah ta hen!

Luka 11:35

Tua ahih ciangin, na sungah a om khuavak in khuamial ahi hiam, hi lo hiam na en in.