Luka 11:31 - Tedim Bible

³¹ Khanglam gam kumpinu in thu a khen ciangin tu-a khang mite langkhat ah ding a, amaute a mawhsak ding hi. Bang hang hiam na cih uh leh, amah in Solomon’ lungpilna thu ngai dingin, leimong panin a hong pai hi. Hih lai takah Solomon sangin a lianzaw mi khat a om hi.

Tedim Bible Revision 2017

³¹ Thukhen Ni ciangin leitaw lam gam pan a hong pai Kumpinu hong dingin tu hun mite mawhsakna thu hong gen ding hi. Bang hang hiam cih leh Solomonʼ pilna thu a za dingin leimong khat panin amah hong pai a, ahi zongin Solomon sangin a lian zaw khat hih lai ah om hi.

Luka 11:31 Referans Kwoze

2 KHANG TANGTHU NIHNATE 9:1

Tu-in Sheba kumpinu in Solomon’ minthan’na a zak ciangin thudotna haksate tawh amah a ze-et dingin Jerusalem ah hong pai a, nungzui honpite leh a namtui nate leh kham tampi leh suangmanphate a pua kalaohte hong keng hi. Solomon kiangah amah hong tun’ ciangin a lungsim-a om khempeuh ama tungah gen hi.

ROM (Romans) 2:27

Vun at lo mi in ama thuthuin Thukham a zuih leh, Lai Siangtho leh vun atna a nei napi-in Thukham a khial nangma tungah thu hong khen ding hilo ahi hiam?

Luka 3:22

Kha Siangtho pum nei-in vakhu bangin ama tungah kumsuk a, “Nangmah in ka lung hong damsak ka it, ka Tapa na hi hi,” ci-in vantung panin aw khat a ging hi.

Mattiu 12:42

Khang lam gam kumpinu in, a thukhen ciangin, tu-a khang mite lang khatah ding-in a mawhsak ding hi. Bang hang hiam na cih uh leh, amah in Solomon’ lungpilna thu ngai dingin, lei mong panin a pai hi. Hih lai takah Solomon sangin a lianzaw mi khat a om hi.”

Jeremiah 3:11

Tua ciangin Topa in kei hong hopih-a, “A zulhzau Israel in numei gina lo Judah sangin a mawhna tamzaw hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

Luka 9:35

“Hih pa in ka teelsa ka Tapa ahi hi. Ama thu na ngai un,” ci-in meii lak pan aw khat a ging hi.

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”