Luka 11:24 - Tedim Bible

²⁴ “A kihhuai dawi in mi sung pan a paikhiat khit ciangin, mun keuna-ah vakin khawl nading a zong hi.

Tedim Bible Revision 2017

²⁴ Tua ciangin Jesu in, “Mi khatpeuh sung panin dawi a kihawlkhiat khit ciangin a ten nading mun keuna zongin a vak kawikawi hi. A om nading mun a muh loh ciangin, ‘Hong kihawlkhiatna inn mahah lutkik ning,’ ci hi.

Luka 11:24 Referans Kwoze

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Late 63:1

Pasian aw, nangmah in keima Pasian na hi hi, nangmah kong zong hi, ka lungsim khempeuh tawh nang kong deih hi; tui om lohna gamkeu bangin ka pumpi in nang hong deih hi.

JOB (Job) 2:2

Tua ciangin Topa in Satan kiangah, “Koi lai panin hong pai na hi hiam?” a ci hi. Satan in Topa dawngin, Leitung khempeuh a lu pan a taw dong vak kawikawi-in ka va pheklekna mun panin kong pai hi,” a ci hi.

JOB (Job) 1:7

Topa in Satan kiangah, “Koi pan-a hong pai na hi uh hiam?” a ci hi. Satan in Topa dawngin, “Leitung khempeuh a lu pan a taw dong vak kawikawi-in ka va pheklekna mun panin kong pai hi,” a ci hi.

Marka 5:10

Tua gam sung panin amaute a hawlkhiat loh nadingin nakpi-in a thuum uh hi.

Isaiah 48:22

“Tua ahih ciangin mi gilote’ adingin nopna om lo hi,” Topa in ci hi.

Marka 9:25

Tua lai takin mihonpite kikhawm dingin hong tai uh a, Zeisu in a muh ciangin, “Bengngong leh pauthei lo dawi aw, ama sung pan paikhia in. Tu nung ciangin tum kik nawn kei in, thu kong pia hi,” ci-in kihhuai dawi a taai ciangin,

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Isaiah 35:7

a sa mahmah sehnelte bualtui hong suak ding a, a keugaw leitang pen ciktui tawh hong kidim ding hi; ngiate’ omna ngei leitang pen nawngpi suakin, lopa, pumpeng leh mau po ding hi.

Paunak 4:16

Migilote in asia khatpeuh a sep mateng lum thei lo uh a, mi khatpeuh a suk zawh mateng ihmu lo uh hi.

Luka 11:25

A muh loh ciangin, ‘Ka paikhiatna inn lamah ciahkik ning,’ ci-a a pai leh, a tun’ ciangin tua inn awng a, kiphiat a, kipuah a, om a mu hi.