Luka 11:22 - Tedim Bible

²² Ahih hangin amah sangin a hatzaw mi hong pai a, a zawh khit ciangin, amah in a muan a hiamte sut a, a sumte la-in a hawm ding hi.

Tedim Bible Revision 2017

²² Ahi zongin amah sangin a hat zaw mi khat in amah simin a zawh gawp khit ciangin, ama muan a hiam khempeuh laksakin a pawlte tawh a hawm hi.

Luka 11:22 Referans Kwoze

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Isaiah 27:1

Tua ni ciangin Topa in, a sak, a lian, a to namsau tawh a taikhia gulpi ahi tuipi ganhing, a kikual vial gulpi ahi tuipi ganhing daantat ding a, amah in tuipi sunga om tua gulpi that ding hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

1 JOHAN MASA 4:4

Ka ta neute aw, note in Pasian tawh kipawlin tua khate na zozo uh hi. Bang hang hiam na cih uh leh, note sungah a om mi in leitungmite sungah a om mi sangin a lianzaw hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

Kolose 2:15

A sangbel vangliatna leh uknate a laksak khit ciangin, kitel takin lak a, singlamteh hangin zawhna pawi a khaam hi.

Paikhiatna 15:9

Galte in, ‘ka delh dinga, ka pha ding hi. A nate uh ka hawm ding a, ka deih zahzah-in tuate ka tang ding hi. Ka namsau ka dok ding a, ka khut in amaute susia ding hi,’ ci hi.

Luka 11:21

Mi thahat in hiam tawi-in ama inn tualah a cin lai takin ama sumte a bit hi.

Luka 11:23

Keimah tawh a kipawl lote in keima langkhat ah a pang hi. Keimah tawh a khawmkhawm lote in a kithehthangsak hi.”

Efesa 6:11

Dawimangpa’ kheemna na nan’ zawh nadingun Pasian’ galhiam khempeuh silh un.

Efesa 6:13

Tua ahih ciangin a haksa gitlohna ni a tun’ ciangin khaam zo-in, phatmawhna khempeuh manin na do zawh nadingun Pasian’ hiamte khempeuh na silh un.