Luka 11:13 - Tedim Bible

¹³ Note in mi gilo na hi napi-un na tate uh a hoih na piak uh leh, tua sangin vantungah a om na Pa un a ngen mite Kha Siangtho hong pia zaw ding hilo ahi hiam?” ci-in a gen hi.

Tedim Bible Revision 2017

¹³ Note mihoih lo hi napi-in na tate uh tungah a hoih piak ding theithei na hih uh leh, vantung a om na Pa un a ngente tungah Kha Siangtho pia zaw kan ding hi lo ahi hiam?” a ci hi.

Luka 11:13 Referans Kwoze

Mattiu 7:11

Note in migilo na hi napi-un na tate uh a hoih na piak uh leh, tua sangin vantungah a om na Pa un a ngente a hoih, a bang zah a hong pia zaw ding hiam?

Johan 4:10

Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

ROM (Romans) 8:32

Ama Tapa khat bek haza lo a, eite khempeuh ading a piapa in man ngen loin nate khempeuh ama Ta tawh hong pia khawm loin a om ding hiam?

Paunak 1:23

Kong thuhilhna hong ngai un, ka ngaihsutna kong gen ding a, ka theihna kong zasak ding hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Joel 2:28

“Tua khit ciangin mi khempeuh tungah ka Kha ka bua ding a, na tanute uh leh na tapate un kamsang ding uh a, na puteekte un mang manin, na tangvalte un maang mu ding uh hi.

Ezekiel 36:27

Note sungah keima kha kong guan ding a, note tungah kong piak ka thukhamte leh ka thupiakte lim takin kong zui sak ding hi.

Isaiah 49:15

Ahih hangin Topa in, “Ama gilsung pan-a a suak nau hehpih lo ding zahin nupi khat in ama nawi a teep naungek mangngilh thei ding ahi hiam? Hihte nangawn in mangngilh kha thei ding hi, ahi zongin ke’n kong mangngilh kei ding hi.

Mattiu 6:14

Note in mite mawhna na maisak uh leh, vantungah a om na Pa un note mawhna uh hong maisak ding hi.

Mattiu 6:32

Gentailte in tua nate khempeuh hangah a lungmang uh hi. Tua na khempeuh na sap uh vantungah a om na Pa un a thei hi.

Luka 11:2

Zeisu in, “Note in thu na nget uh ciangin hih bangin na ngen un: ‘Pa aw, Nangma min siangtho ta hen; Na Gam hong piang ta hen;

Mattiu 6:30

Upna neute aw, tuni-in om a, zing ciangin mei khukah kikhul thei lopate Pasian in puan silhsak ahih ciangin, tua tham loin note zong puan hong silhsak ding hilo ahi hiam?

Mattiu 5:45

Bang hang hiam na cih uh leh, Pasian in miphate leh migilote tungah ama ni a tangsak kim hi. Misiangthote leh misiangtho lote tungah guah a zusak kim hi.

Mattiu 5:16

Tua mah bangin, midangte in na gamtatna phate a muh uh ciangin, vantungah a om na Pa uh Pasian’ min a phat nadingun, na khuavak uh mite mai-ah na tangsak un.”

Late 51:5

En in, a khialsa mahin kei ka suakkhia a, ka nu in hong paai cil-a kipan a mawhsa ka hi hi.

ROM (Romans) 7:18

Ka sa ahi ka pum sungah a pha khat beek a om kei hi cih ka thei hi. Bang hang hiam na cih leh, a pha gamtat nopna lungsim ka neih hangin a pha gamtat theih nading ka mu kei hi.

ROM (Romans) 5:17

Mi khat a khial ahih maninah, tua mi hangin sihna in a uk leh, Zeisu Khazih kici mi khat hangah hehpihna thu kicing a, dikna leh hehpihna a ngah mite in nuntakna a ukzaw ding uh hi.

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Luka 11:12

aktui ngen leh, aikam a pia ding note lakah kua a om hiam?

Luka 18:7

Pasian’ teelsate in sun leh zanin ama kiangah kiko-in thu a nget uh leh, amaute’ thu khensak ding hilo ahi hiam? Amaute sawtpi thuak ding ahi hiam?