Luka 10:7 - Tedim Bible

⁷ Tua innah na om uh ciangin an ne tui dawnin, amau hong piak uh bangin na ne un. Bang hang hiam na cih uh leh, nasempa in thaman ngah ding kilawm hi. Inn khat panin inn khatah kawm themthum kei un.

Tedim Bible Revision 2017

⁷ Nasemte in a thaman a ngah ding a kilawm ahih mah bangin na zintunna inn mah uh ah omsuak unla, a hong piak peuhpeuh uh na ne un. Na zintunna inn uh kheel themthum kei un.

Luka 10:7 Referans Kwoze

2 TIMOTI NIHNA 2:6

Nasep hahkat lokho mi in a gahte a ngah masapen ahi ding hi.

Galati 6:6

Pasian’ Thu a sin mi in a hilhpa tungah a hoihna a om khempeuh hawmsawn ta hen.

Luka 9:4

Inn khatpeuh ah na lut uh ciangin, tua inn ah na paikhiat matengun na om un.

Marka 6:10

Inn khat peuhah na lut uh leh, tua khua pan na paikhiat matengun tua innah va om un.

1 TIMOTI MASA 5:13

Tua tham loin, inn khat pan inn khatah vak kawikawi-in, thadah tham loin, kam tamin, a gen tuak lo nate genin, amau tawh kikum lo thu-ah a kihel thei uh hi.

Sawltak 16:34

Ama innah lutpih a, an vaak a, Pasian a up manin, a innkuanpihte khempeuh tawh a lungdam uh hi.

Sawltak 16:15

Amah in a innkuanpihte tawh a kibaptaiz khit ciangin, “Keimah in Topa sungah thu-um mi khat ka hihna nong up uh leh, keima innah hong tung un la, tam un,” ci-in thuumin, hong kho hi.

Thu-hilhkikna 12:12

Topa na Pasian uh mai-ah note leh na tapate leh na tanute, na nasem pasalte uh leh na nasem numeite uh, leh note neih bangin tanh ahi a, luah ahi zongin a nei lo na khua sunga om Levi mite tawh lungdam khawm un.

Sawltak 16:40

Tua ciangin Paul leh Silas in thong sung pan paikhia-in, Lidia’ innah a lut uh a, ute naute tawh kimu-in, amaute a lungkipsak khit uh ciangin a paikhia uh hi.

Luka 10:6

Tua innah thupha deih mi a om leh, note thupha a tungah a tung ding hi. A om kei leh, note kiangah hong kileh kik ding hi.

Gamlak-vakna 18:31

mun khatpeuh peuh ah na ne thei ding uh hi, nang leh na innkuanpihte in na ne thei ding uh hi; bang hang hiam cih leh tua in kikhopna buk sungah note’ nasepna thaman ahi hi.

Thu-hilhkikna 18:8

Amah in a gamluah a zuakna pan a sum ngahte banah nek ding a kikimin amaute tawh tanh ngah khawm ding hi.