Luka 10:39 - Tedim Bible

³⁹ Tua numei in Mari a kici sanggam numei khat a nei hi. Tua Mari in Zeisu khe kiangah tu-in ama thu a ngai hi.

Tedim Bible Revision 2017

³⁹ Martha in Mary kici nau numei khat nei a, Topaʼ thugente ngai-in Mary a om hi.

Luka 10:39 Referans Kwoze

Luka 8:35

Mite in bang thu piang hiam ci-in en dingin a kuankhia uh hi. Amaute in Zeisu kiang a tun’uh ciangin, dawi paikhiatnapa puan silhin mipil bangin Zeisu’ khe kiangah tu-in a om a mu uh a, a lungmang uh hi.

Paunak 8:34

Ka thugenna ngai mipa, ni simin ka kong gei-ah omin, ka inn-ah a ngak mipa in thupha ngah ding hi.

Johan 12:3

Tua lai takin Mari in tampi a man mard paknamtui thawl khat la a, Zeisu’ khe nuhin a sam tawh a nul hi. Tua paknamtui in inn sung teng a zeel hi.

Sawltak 22:3

Paul in a gen-inah: “Kilikia gam, Tarsas khua-a suak, Judah mi ka hi hi. Ahih hangin hih khua sungah Gamaliel’ khe kiangah anvaakna ngahin, i pu i pate’ thukhamte sinin a siamsa ka hi a, tuni-a note khatpeuh peuh zahin Pasian’ ading a hahkat mipa ka hi hi.

Luka 2:46

Ni thum khit ciangin, naupang biakna innpi sungah thuhilhte lai zangah tu a, amaute thu ngai a, amaute kiangah thu dongin a om a mu uh hi.

Thu-hilhkikna 33:3

Hi taktak hi, amah in a mite it a, ama tungah a ki-ap mite khempeuh a khut sungah om hi; tua ahih ciangin amaute in na khephung ah hong kun uh a, nang tung panin lamlahna ngah uh hi.

Johan 11:1

Mari leh a sanggamnu Martha omna Bethani khua-ah Lazaras kici mi khat cina-in a om hi.

2 KUMPI NIHNATE 4:38

Tua ciangin tua gam sungah kialpi a tun’ lai takin Gilgal ah Elisha hong paikik hi. Kamsangte ama mai-ah a tut lai takin amah in a nasemte kiangah, “Beel lianpi suang in la, kamsangte’ ading meh huan in,” a ci hi.

Luka 10:42

Ahih hangin sapna khat bek a om hi. Mari in ahih leh, na hoih khat a teel zo hi. Tua na in ama tung pan kilakhia lo ding hi,” ci-in a gen hi.

Johan 11:19

Martha leh Mari’ sanggampa si ahih ciangin, a hehnem dingin Judah mite tampi a hong pai uh hi.