Luka 10:37 - Tedim Bible

³⁷ Thukham siapa in, “Tua a hehpihpa in a lawmpa ahi hi,” ci-in a dawng hi. Zeisu in, “Nang zong pai in la, tua mah bangin na hih in,” a ci hi.

Tedim Bible Revision 2017

³⁷ Amah in, “A hehpih pa hi ding hi,” a ci hi. Tua ciangin Jesu in ama kiangah, “Nang zong pai inla, tua bangmahin gamta in,” a ci hi.

Luka 10:37 Referans Kwoze

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

1 PETER MASA 2:21

Bang hang hiam na cih uh leh, tua bang deihna in note hong sam zo hi. Khazih in zong note ading gimna thuak a, ama khekhap na zuih nadingun a lim a koih zo hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Mattiu 23:23

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, leengmasel, anis leh, kummin, sehsawm suah sehkhat na piak uh hangin, thuman thukhenna, midangte hehpihna, gamtatna phate ahi Thukham sungah a lianpen thute na tang kei uh hi. Adangte sangin, hihte na tan’ ding uh a kilawm zaw hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Hosea 6:6

Gan tawh nong biakna uh sangin a kip a kho nong itna uh ka deih zaw hi. Meihal biakna sangin kei nong theih ding uh ka deih zaw hi.

Paunak 14:21

Mizawngte a simmawhte a khial hi a, mizawngte’ tungah a cinghte thupha ngah ahi hi.

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

Luka 10:36

Nang bangci ngaihsut na hi hiam? Tua mi thum sung panin kua pen in misuamte tawh a kituakpa’ lawm ahi hiam?” ci-in a dong hi.

Luka 10:38

Amaute lampi ah a pai lai takun, khua khatah lut uh a, Martha kici numei khat in ama innah a tungsak hi.