Luka 10:31 - Tedim Bible

³¹ Tua lampi ah siampi khat paikha zenzen a, tua pa a muh ciangin peelin a nusia hi.

Tedim Bible Revision 2017

³¹ Tua laitakin siampi khat tua lampi tawnin hong pai suk a, amah a muh ciangin lam nawl lam tawnin a paisan hi.

Luka 10:31 Referans Kwoze

Late 69:20

Simmawhna in ka lungsim sukham zo ahih manin kei ka cimawh hi. Hong hehpih ding ka zon’ hangin kuamah om lo hi; hong huh ding ka zon’ hangin kuamah ka mu kei hi.

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.

Hosea 6:9

Zawhthawh thu-in mi’ na sut dingin a pangsim mite bangin siampite gamta uh a, biakna pia dingin Shekhem khua-ah a pai mite nangawn, lam kal-ah that uh hi. Amaute’ gamtatna sia-huai mahmah hi.

Hosea 5:1

No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Thuhilh-sia 9:11

Hih leitungah ka phawk thudang khat in: a tai hat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

Paunak 21:13

Mizawngte’ huh ngetna a pia nuam lote pen, amau zong cimawhin huhna a nget ciangun kipia lo ding hi.

Late 142:4

Ka kiim ka pam enin ka khuadak a, ahih hangin kei hong huh ding kuamah om lo hi; ka belh ding kuamah om lo a, kuamah in kei hong don lo hi.

Ruth 2:3

Tua ahih ciangin amah kuan khia-in pai a, an late’ nung lo sungah ansanghte tawm hi; Elimelekte innkuan Boaz’ lo-ah va pai kha hi.

2 SAMUEL NIHNA 1:6

Tua ciangin ama kiangah a gen tangvalpa in, “Gilboa Mual ah ka om kha hi; tua lai mun-ah Saul a teipi tungah kingam hi; en in, leengte leh sakol tuangte in amah pha dek mahmah ta uh hi.

Isaiah 58:7

Na an uh a gilkialte tawh ne khawmin, inn nei lo mi zawngte a buk nading vaihawm sakin; tangguak-a om mi na muh uh ciangin puansilhsak a, na mi pihte uh kiang panin bu lo ding hilo na hi uh hiam?

Luka 10:30

Zeisu in zong, “Mi khat in Jerusalem khua panin Jerikho khua-ah a paisuk lai takin, misuamte tawh kituak hi. Misuamte in tua pa’ puan hawkkhia a, nakpi-in a sat khit uh ciangin, si dek takin a nusia uh hi.

Luka 10:32

Tua mah bangin Levi mi khat hong tung a, tua pa a muh ciangin peelin a pai leuleu hi.