Luka 10:3 - Tedim Bible

³ Pai un. Ngia hon lakah tuuno kikhahte bangin no kong sawl hi.

Tedim Bible Revision 2017

³ Note va kuan un. Ngia hon lakah tuuno khah bangin note ka hong sawl hi.

Luka 10:3 Referans Kwoze

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Sawltak 20:29

Ka pai khit ciangin gilo ngiate in nomau lakah lutin, a tuute a hehpih kei ding uh hi.

Johan 16:2

Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Johan 15:20

‘Sila in a topa sangin lianzaw kei,’ ci-in ka gensa thu na ngaihsun un. Amau in kei hong bawlsia uh ahih manin note zong hong bawlsia ding uh hi. Amau in kei thu zui le-uh, note thu zong a zui ding uh hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.

Zefaniah 3:3

A uliante, a hawk thei humpinelkai gilkial bang a, a thukhente, keivom gilkial bang uh hi. Zing khuavak mateng a saguh nek a nusia nuam lo, a huaiham gamsate tawh kibang uh hi.

Sawltak 9:2

hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

Johan 10:12

Tuu neipa hi lo a kicial tuucing ahih leh, ngia hong pai a muh ciangin tuute nusia-in tai a; ngia in tuute manin a kithehthangsak hi.

Late 22:21

Humpinelkai kam panin keimah hong hon in la, gamsialte’ ki panin a cimawh keimah hong hon in.

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

Luka 10:4

Dangka-ip, thung-ip, khedap, tuate na keng kei un. Lampi ah na pai lai takun kuamah na hopih kei un.