Luka 10:29 - Tedim Bible

²⁹ Tua pa in ama phatna thu a lah nop manin, “Ka lawmte kuate ahi hiam?” ci-in Zeisu a dong hi.

Tedim Bible Revision 2017

²⁹ Ahi zongin Thukham hilh siapa amah kitangsak nuam ahih manin Jesu kiangah, “Ka veengte i cih kuate ahi hiam?” ci-in a dong hi.

Luka 10:29 Referans Kwoze

Luka 16:15

Zeisu in, “Note in mite mai-ah phatna na lak nuam uh hi. Ahih hangin Pasian in note lungsim uh a thei hi. Bang hang hiam na cih uh leh, mite phatna in Pasian mai-ah kihhuaina ahi hi.”

Galati 3:11

Thukham zuihna hangin mi khat beek in Pasian mai-ah diktansakna a ngah kei hi cih tel takin a kilang hi. Bang hang hiam na cih uh leh, “Midik in thu upna tawh a nungta ding hi,” ci-in a kigelh hi.

ROM (Romans) 4:2

Abraham in gamtatna hangin dikkisakna a ngah leh, kisaktheih na’ng thu a om hi. Ahih hangin Pasian mai-ah tua bang hi lo hi.

Siampi Laibu 19:34

Note lakah a hong peem khual mite tual sung mi mah bangin na ngaihsun ding uh a, nomau mah bangin amah na it ding uh hi; bang hang hiam cih leh note in Izipt gam sungah khualmi na hi ngei uh hi: keimah in Topa na Pasian uh ka hi hi.

ROM (Romans) 10:3

Bang hang hiam na cih uh leh, amaute in Pasian’ dikna thei loin, amau dikna kipsak nading a zong uh ahih ciangin, Pasian’ dikna thu a mang kei uh hi.

Luka 10:36

Nang bangci ngaihsut na hi hiam? Tua mi thum sung panin kua pen in misuamte tawh a kituakpa’ lawm ahi hiam?” ci-in a dong hi.

Jeim 2:24

Mi khat in upna bek tawh dikkisakna a ngah ahi kei hi, gamtatna tawh a ngah hi ci-in na thei uh hi.

JOB (Job) 32:2

Tua ciangin Ram minam, Buz-te beh, Barakhel’ tapa Elihu a heh hong suak hi. Bang hang hiam cih leh Job amah kidiksakin Pasian mawhsak zawsop hi.

Marka 8:34

Tua ciangin Zeisu in a nungzuite leh mihonpite a sap khit ciangin, “Mi khatpeuh in kei hong zuih nop leh, ama pumpi nial a, a singlamteh pua-in hong zui ta hen.