Luka 10:28 - Tedim Bible

²⁸ Zeisu in, “Na dawn’na thu ahi takpi hi. Tua bangin na hih leh, na nungta ding hi.” a ci hi.

Tedim Bible Revision 2017

²⁸ Tua ciangin Jesu in, “Na dawnna man mahmah hi. Tua bangin gamta lecin nuntak tawntungna na ngah ding hi,” a ci hi.

Luka 10:28 Referans Kwoze

Ezekiel 20:11

a zui peuhpeuh a nuntak theih nadingin ka thukhamte leh ka thupiaknate ka hilh hi.

Siampi Laibu 18:5

Tua ahih ciangin note in ka thukhamte leh ka biakna ngeina kipte na zui ding uh hi; tuate a zui mi-in nungta ding hi. Keimah in Topa ka hi hi.

Mattiu 19:17

Zeisu in, “Bang hangin kei kiangah phatna thu hong dong na hi hiam? Mipha khat bek a om hi. Ahih hangin nuntakna sungah na tum nop leh, thukhamte na tang in,” a ci hi.

Nehemiah 9:29

Tua hi a, na thukham lamah amaute hong kihei kik nading lim takin amaute na hilhkhol a, ahi zongin amaute kihisakin na thupiaknate don lo uh hi; a zuite tungah nuntakna a pia thei ahi na ngeina kip tungah amaute khial uh hi. Lung khauhin phengphi-in amaute kiheikhia uh a, thu mang nuam lo uh hi.

Galati 3:12

Thukham in upna tawh a kikum kei hi. Bang hang hiam na cih uh leh, “Tua gamtatna a gamta mi in tua gamtatna hangin a nungta ding hi,” ci-in kigelh hi. Tua ahih ciangin Pasian mai-ah Thukham hangin kuamah in diktan’sakna a ngah zo kei ding hi.

ROM (Romans) 10:4

Bang hang hiam na cih uh leh, thu-um mi khempeuh in a dik nadingun thukham’ mong in Zeisu ahi hi.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

Luka 7:43

Simon in, “A maisakna tam zaw a ngah mi in it zaw-in ka um hi,” a ci hi. Zeisu in, “Na up bang a man hi,” ci-in a gen hi.

Marka 12:34

Tua pa in pilna tawh a gen kik Zeisu in a theih ciangin, “Nang in Pasian Gam tawh na kigamla kei hi,” a ci hi. Tua nung ciangin mi khat beek in thu a dong ngam nawn kei uh hi.

Ezekiel 20:21

“Ahi zongin a tate nangawn un kei hong dem uh hi. A zuite in nuntakna a ngah nading ahi ka thukhamte palsatin, ka thupiaknate mang lo uh a, sabbathte siasak uh hi. Tua ahih manin, ka hehna teng gamlakah thuaksak gawpin, amaute a sumai dingin ka kithawi hi.

Ezekiel 20:13

Ahi zongin Israel mite in gamlak nangawn-ah kei hong dem uh a, a zui peuhpeuh in nuntakna a ngah nading uh ahi keima thukhamte leh ka thupiaknate nial uh hi. Ka sabbathte zong nakpi takin siasak uh hi. Tua ahih manin amaute a maiman’ nadingin ka hehna teng gamlakah a thuaksak gawp dingin ka kithawi hi.

Thu-hilhkikna 6:24

Tu hun-a bangin i nuntak theih nadingin amah in eite’ hoih tawntung nading deihna ah Topa i Pasian zahtakin hih thukhamte khempeuh i zuih ding Topa in thu hong pia hi.

Paunak 19:16

Thukham a zuite a khan’ sau ding a, thukham a zui lote si ding hi.

ROM (Romans) 7:10

Hin’na tawh kipawl thukham in sihna tawh kipawl ahih lam keimah in ka thei hi.