Luka 10:26 - Tedim Bible

²⁶ Zeisu in, “Thukhamna sungah bang a kigelh hiam? Bangci na sim hiam?” ci-in a dot ciangin,

Tedim Bible Revision 2017

²⁶ Jesu in, “Thukham sungah bang kigelh a, bang sim na hi hiam?” a ci hi.

Luka 10:26 Referans Kwoze

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

ROM (Romans) 10:5

Moses in, “Thukham tawh a kipawl dikna thu a zuite in, tua dikna thu bangin a nungta ding hi,” ci-in a gelh hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Luka 10:25

Thukham siapa khat ding-in Zeisu ze-et a, “Sia aw, tawntung nuntakna luah nadingin bang ka hih ding hiam? ci-in a dong hi.

Luka 10:27

amah in, “Na Topa Pasian, na lungsim khempeuh, na kha khempeuh, na thahatna khempeuh, na pilna khempeuh tawh na it in. Na pumpi na it bangin na lawmte na it in,” ci-in a gen hi.