Luka 10:21 - Tedim Bible

²¹ Tua lai takin Zeisu in Kha Siangtho tawh lungdam a, “Vantung leh leitung a uk ka Pa aw, nangmah in hih thute mipilte leh misiamte kiangah im-inah, naupangte tungah lak na hih ciangin, na hehpihna ka phat hi. Ahi mah hi ka Pa aw, tua bangin na deih hi.

Tedim Bible Revision 2017

²¹ Tua laitakin Kha Siangtho in lungdamna tawh Jesu kidimsak hi. Jesu in, “Vantung le leitung Topa ahi ka Pa aw, mipilte le misiamte tungah na ip thute, bangmah a thei lo hih mite tungah lak na hih manin ka nuam hi. Bang hang hiam cih leh hih thu pen nangma deihna bang ahi hi,” a ci hi.

Luka 10:21 Referans Kwoze

2 KORIN NIHNA 4:3

Kote in ka hilh uh Lungdamna Thu in kisin ahih leh, a kisia ding mite tung bekah kisinin a om hi.

Efesa 1:11

Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.

Efesa 1:5

Tua Pasian in a it a Tapa hanga eite hong hehpihna vangliatna a phate phat dinginah

Marka 10:15

Ke’n aman takpi kong cih-inah, naupang bangin Pasian Gam a sang lo mi peuhmah in tua gam sungah a lut kei ding uh hi,’ ci-in thu a gen hi.

Mattiu 21:16

“Hih naupangte in bang thu a gen uh cih na za hiam?” ci-in a dot uh ciangin Zeisu in, “Ka za hi. ‘Naupangte leh nawi nete kam sung pan Nang in minphatna na piangsak hi,’ a cihna thu, note in khatvei beek sim ngeilo na hi uh hiam?” a ci hi.

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Late 8:2

naungekte leh naupangte’ kam tawh kisa hi; gal na neih manin galte leh langpangte na daihsak nadingin panmun kip na bawl khin hi.

Luka 15:9

A muhkik ciangin a lawmte leh a inn veengte sam a, ‘Hong lungdampih ta un. Bang hang hiam na cih uh leh, ka man’suahsa dangka ka mukik zo hi,’ a ci hi.

Luka 15:5

A muh kik ciangin lungdamin a liangko ah pua a, inn a tun’ ciangin,

Zefaniah 3:17

Topa na Pasian un note hong ompih a, ama vangliatna in hong gualzo sak hi. Note tungah Topa lungkim ding a, ama itna tawh hong thak bawl ding hi. Note hangin Topa lungdamin la sa ding a,

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

Isaiah 29:14

tua ahih ciangin en un, hih mite tungah a tumdang leh a lamdang ahi a lamdang nate ka bawlkik ding hi; amau’ mipilte’ pilna kisia ding a, amau’ thu mutel theite’ thu muhtel theihna kiseel ding hi,” a ci hi.

Johan 11:41

Tua ahih ciangin amau in suang a lemkhia uh hi. Zeisu dakto a, “Pa aw, nang in keima thu hong ngai na hih ciangin na hehpihna ka phat hi.

Isaiah 62:5

Bang hang hiam cih leh tangval khat in nungak khat a ten’pih mah bangin nang hong lamkippa in nang hong tenpih ding a, zipipa mothak nu tungah a lungdam mah bangin na Pasian nang tungah lungdam ding hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

Late 25:14

Topa tawh kilawmtatna in amah a zahtakte’ ading hi a, a thuciamna amau tungah kitheithang sak hi.

Late 24:1

Leitang leh a tunga omte, leitung leh a tunga teengte in Topa aa hi;

Mattiu 3:7

Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?