Luka 10:16 - Tedim Bible

¹⁶ Note thu a ngaite in ka thu a ngai hi. Note hong nolhte in kei zong hong nolh hi. Kei hong nolhte in kei hong sawlpa zong a nolh hi,” ci-in Zeisu in a gen hi.

Tedim Bible Revision 2017

¹⁶ Tua ciangin Jesu in a nungzuite kiangah, “Noteʼ thu a hong zuite khempeuh, keiʼ thu a hong zui hi a, noteʼ thu a hong zui lote khempeuh, keiʼ thu a hong zui lo ahi uh hi. Keiʼ thu a hong zui lote khempeuh pen kei a hong sawl paʼ thu a zui lo ahi uh hi,” a ci hi.

Luka 10:16 Referans Kwoze

Johan 13:20

Ke’n aman takpi kong cih-inah, ka sawlpa a ngai mi in kei zong hong ngai hi. Kei hong ngai mi in kei hong sawlpa zong a ngai hi,” a ci hi.

Mattiu 10:40

“No hong ngaite in kei hong ngai hi. Kei hong ngaite in kei hong sawlpa zong a ngai hi.

1 THESALONIKA MASA 4:8

Tua ahih ciangin hih thu a nial mi in mi bek nial ahi kei hi, note Kha Siangtho a hong pia Pasian nial ahi hi.

Johan 12:48

Kei hong nolh a, ka thu a ngai lo mi in thukhen ding mi khat a nei hi. Ka hilhna thu in ni tawp Ni ciangin tua mi tungah thu a khen ding hi.

Johan 12:44

Zeisu in, “Kei hong um mi in kei bek hong um kei hi.

Marka 9:37

“Keima min tawh hih bang naupangno khat a ngai peuhmah in, kei zong hong ngai hi. Kei hong ngai peuhmah in, kei hong sawlpa zong a ngai hi,” ci-in a gen hi.

Mattiu 18:5

Keima min hangah hih bang naupangno khat a ngai peuhmah in kei zong hong ngai hi.”

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Sawltak 5:4

Tua lo, nangma khut sungah a om lai takin nangma neihsa hilo ahi hiam? Na zuak khit ciangin na ngah a man in nangma sum hilo ahi hiam? Bang dingin na lungsim sungah hih bang hanciam na hi hiam? Mi tung bek a, zuauthu gen na hi kei hi, Pasian tungah zuauthu gen na hi hi,” a ci hi.

Luka 9:48

“Keima min tawh hih naupangno a ngai peuhmah in, kei zong hong ngai hi. Bang hang hiam na cih uh leh, note lakah a neu penpa in milian ahi ding hi,” a ci hi.

Gamlak-vakna 16:11

Tua ahih ciangin nang leh na pawlte khempeuh hih lai-ah na kikaihkhopna uh in Topa langpan’na ahi hi; note in na phunsan uh Aaron pen bang mi hi mawk ahi hiam?” a ci hi.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi hiam? Amaute lakah ka hihsa limte khempeuh om napi-in, amaute in bang tanvei kei hong um lo ding ahi hiam?

Paikhiatna 16:7

Topa’ tunga na phunna uh amah in za khin ahih manin zingsang ciangin Topa’ minthan’na na mu ding uh hi. Bang hang hiam cih leh kote’ tungah na phun theih nadingun kote in a bang hi mawk ka hi uh hiam?” a ci uh hi.

Gamlak-vakna 14:2

Israel mite khempeuh in Moses leh Aaron phunsan uh hi; mihon buppi in amaute tungah, “Izipt gamah a si khin hi zaw hoh le-ung! Tua ahih kei leh zong hih gamlakah a si khin hi zaw hoh le-ung!

Paikhiatna 16:8

Moses in, “Ama' tungah na phunnate uh Topa in a zakna hangin, Topa in note' tungah nitakin nek ding sa, zingsangin kham tak-a na nek ding uh an hong piak ciangin—kote in a bang hi mawk ka hi uh hiam? Note’ phunnate in kote’ tung hi loin Topa’ tung ahi hi,” a ci hi.

Galati 4:14

Keima sungah a om note thuak ze-etna note in ngaihsun loin, nial loin Pasian’ vantungmi bang ka hi zongin, Khazih Zeisu bang ka hi zongin, na hong sang uh hi.