Luka 10:15 - Tedim Bible

¹⁵ Nang Kapernaum khuapi aw, vantung khua dongin minthan’na na ngah ding hiam? Nang in hel khua dongin na kiasuk ding hi.

Tedim Bible Revision 2017

¹⁵ No Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi,” a ci hi.

Luka 10:15 Referans Kwoze

Mattiu 4:13

Nazareth khua khengin Zebulun gam leh Naftali gam kikalah, tuili tawh kinai Kapernaum khua-ah tungin a teeng hi.

2 PETER NIHNA 2:4

Bang hang hiam na cih uh leh, Pasian in a khial vantungmite pammaih sa loin, hel khua sungah a khiat khit ciangin thukhen Ni dongin khuamial khuk sungah a khum hi.

Luka 13:28

Abraham, Isaak leh Jakob-te akipan, Pasian’ kamsangte khempeuh in Pasian’ Gam sungah a om na muh uh ciangin, note in hawlkhiatna na thuak ding uh a, kahna leh hagawina om ding hi.

Mattiu 11:23

Kapernaum khuapi aw, vantung dongin minthan’na na ngah ding hiam? Nang in hel khua dongin na kiasuk ding hi. Bang hang hiam na cih leh, nangma sungah a kilak vangliatnate in Sodom khuapi sungah kilak ngei leh, tu-ni dongin a kip lai ding hi.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Obadiah 1:4

Muvanlai bangin sangpi-ah lengin, aksite lakah bu na bawl hangun, No kong khiasuk veve ding hi, Topa in a ci hi.

Ezekiel 32:27

Hih mite pen mi site omna Leinuai-ah a galvan teng uh tawh pai-in a namsau uh kilukhamsakin, a lum uh a awm tung uhah a kikoihsak kawmin lim takin a kivui tanglai galkapte bangin pahtawi-a vuina ngah lo uh hi. Ahi zongin hih mite pen mi dangte a lausak zo dingin a vanglian ngeite ahi uh hi.

Ezekiel 32:20

Gal sunga a kithatte tawh si khawm ding uh hi. Izipt gam sunga om mi khempeuh a vatlum dingin namsau khat a baihsa-in om hi.

Ezekiel 32:18

“Ezekiel aw, Izipt mi tampite’ hangin kapin thuum in. Mi site’ omna Leinuai gamah a vanglian minam dangte tawh pai sak in. Amaute kiangah hih bangin ci in:

Ezekiel 31:18

“Tua singkung in Izipt kumpipa Faro leh ama mite ahi hi. Eden huan-a singkungte nangawn tua zahin lianin hoih zaw lo hi. Ahi zongin, Eden huan-a singkungte mah bangin, Pasian thu a ngaihsun lo, gal sunga a sisate’ omna a zuan dingin, misite’ omna Leinuai a zuan ding ahi hi. Topa Pasian keimah in hih thu ka gen khin hi,” hong ci hi.

Ezekiel 26:20

Tang lai-a a sisa mite tawh a teeng khawm dingin misite’ khua Leinuai-ah kong puak ding hi. Siatna a thuak tawntung lei nuai-a omte lakah kong koih ding a, a sisate tawh na om ding hi. Tua lai panin a hingte lakah a om kik dingin nong kik nawn kei ding hi.

Jeremiah 51:53

Babilon khua vantung-ah a kahtoh theih a, a sangpi-ah kip takin gal dalna a bawl theih hangin, Topa in kong cih-inah, kei’ kiang panin amah susia ding mi a hong pai teitei ding hi.

Isaiah 5:14

Tua ahih ciangin Leinuai in a duhna khangsakin, bangmah tawh kiteh theih lo zahin a kam ka beba a, Jerusalem’ hoihna leh a mipite, a mihonte leh ama sunga lungdam mite a nawmvalh hi.

Thu-hilhkikna 1:28

Koi lai-ah paito ding i hi hiam? I sanggamte in i lungsim hong siasak khin uh a, “A mite in ei sangin lian zaw-in sangzaw uh hi; a khuapite lianin van banin ki-uum hi; tua tham loin Anak mite tua munah i mu hi,” hong ci uh hi,’ na ci uh hi.

Piancilna 11:4

Tua ciangin amaute in, “Hong pai un, leitung buppi maitang-ah eite i kithehthang gawp loh nadingin ei’ adingin khuapi khat bawlin, a dawn in vantung a ban ding tausangpi khat lamin, eite’ min ding khat bawl ni,” ci uh hi.

Luka 16:23

Sumhaupa zong si a, a kivui hi. Meikuang sungah gimna nakpi a thuak lai takin a khuadak leh, Abraham leh Abraham’ ang ah Lazaras a om gamlapi panin a gal muh hi.