Luka 10:11 - Tedim Bible

¹¹ ‘Ka khepeek uh ah hong belh no khua leivui nangawn note langkhat ah ka nulkhia uh hi. Ahih hangin Pasian’ Gam hong nai zo hi ci-in na thei ta un,’ ci-in na gen un.

Tedim Bible Revision 2017

¹¹ ‘Na khua sung uh a leivui, ka khe tung uh ah a hong baangte nangawn, note hilhkholhna in ka nul khia uh hi. Ahi zongin Pasianʼ Uk nading hun a hong naina thu thei ta un,’ ci-in gen un.

Luka 10:11 Referans Kwoze

Sawltak 13:51

Ahih hangin amaute in a khepeek tungah leivui amau langkhatah sin’ khiatin, Ikonium khua-ah a pai uh hi.

Luka 10:9

Cinate na damsak un. ‘Pasian’ Gam in note kiangah hong nai zo hi,’ ci-in thu na hilh un.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Sawltak 13:40

Tua bang ahih leh, Pasian’ kamsangte’ thu in note tungah a tun’ loh nading na kikem un.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Marka 6:11

Mun khat peuhah mite in hong nolh a, na thu uh a ngaih kei uh leh, amau omna pan na paikhiat uh ciangin, amau lang khatah teci pang dingin, na khepeek nuai uh ah leivuite na singkhia un,” ci-in thu a pia hi.

Mattiu 10:14

Mi khatpeuh mah in no hong nolh a, na thu uh a ngaih nop kei leh, tuapa’ inn pan ahi zongin, a khua pan ahi zongin na paikhiat uh ciangin, na khepeek uhah leivuite na singkhia un.

ROM (Romans) 10:21

Israel mipawlte thu panin, “Thungai lo, thu seel thei mipawlte lamah ni khat tawntung ka khutpeek ka zan hi,” a ci hi.

ROM (Romans) 10:8

Bang a ci hiam? Tua thu in nang tawh kinai-in na kam sungah, na lungsim sungah a om hi; ka hilh uh upna thu a cihnopna hi.

Ezekiel 2:5

Amaute in nangma thu hong mang a, hong mang kei zongin, amaute lakah kamsang khat a om khit lam tak thei ding uh hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 10:7

Na pai uh ciangin, ‘Vantung Gam hong nai zo hi,’ ci-in na hilh un.

Luka 9:5

Mi khatpeuh in note hong nolh leh, amau khua pan na paikhiat uh ciangin, amau lang khatah teci a pang dingin, na khepeek nuai-a leivuite na singkhia un,” ci-in thu a pia hi.

Luka 10:10

Khua khatpeuh mah na lut uh ciangin, khua mite in no hong nolh leh, tua khua lampi ah na paikhia un la,