Luka 1:80 - Tedim Bible

⁸⁰ Tua naungeek khang a, a lungsim siamna khangto a, Israel mite kiangah a kilah ni matengin gampa lakah a om hi.

Tedim Bible Revision 2017

⁸⁰ Tua naungek a pumpi le a lungsim siamna hong khang a, Israel mite lakah a kilaak hun matengin sehnel gam sungah a om hi.

Luka 1:80 Referans Kwoze

Luka 2:40

Naupang khangto a, a thahatna khang a, lungpilna tawh a kidim hi. Pasian’ hehpihna thupha zong ama tungah a om hi.

Luka 2:52

Zeisu’ lungpilna leh pumpi khang semsem a, Pasian mai leh mite mai-ah maipha a ngah semsem hi.

Mattiu 3:1

Tua lai takin Baptaiz-pa Johan hong kilang a, “Vantung Gam a hong nai zo hi.

Johan 1:31

Kei in tua pa ka thei hi. Ahih hangin amah in Israel mite kiangah a kilat nadingin, keimah in tui sungah baptaiz-in hong pai ka hi hi,” ci-in a gen hi.

Luka 1:15

Bang hang hiam na cih leh, tua tapa in Topa mai-ah milian ahi ding hi. Amah in leenggahtui leh zu neukha beek dawn loin, a nu gil sung pan akipan Kha Siangtho tawh a kidim ding hi.

Mattiu 11:7

Tua mite a paikhiat khit uh ciangin, Zeisu in mihonte kiangah Johan’ thu a geninah, “Note in bang en dingin gampa lakah paikhia na hi uh hiam? Huih mut a, vuang pumpeeng en dingin paikhia na hi uh hiam?

1 SAMUEL MASA 2:21

Tua ciangin Topa in Hannah thupha pia a, tua nu gai-in tanu nih leh tapa thum a nei hi. Naupang Samuel ahih leh Topa’ omna-ah khang hi.

Sawltak 18:28

Bang hang hiam i cih leh, Zeisu in Khazih ahi hi cih thu Lai Siangtho tawh tel takin lak a, mite mai-ah Judah mite’ kam a nial hi.