Luka 1:78 - Tedim Bible

⁷⁸ Khuamial leh sihna lim sungah a tu mite tungah, khuavak hong tan’ nading ahi zongin, Nopna lampi ah eite hong kha ding ahi zongin,

Tedim Bible Revision 2017

⁷⁸ I Pasian lungnem mahmah a, hehpihna hong nei hi. Eite tungah hotkhiatna khuavak hong taangsak dinga,

Luka 1:78 Referans Kwoze

2 PETER NIHNA 1:19

Tua bang hangin kamsangte’ thugenna thu, eite adingin a kip zaw hi. Note lungsim sungah khuavakin, zingsol suak a, khua hong vak dongin tua thu, khuamialna-ah a tang meivak bangin ngaihsunin na belh dingun a kilawm hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Kolose 3:12

Tua ahih ciangin note in Pasian’ teel mi, a siangtho mi, a it mite bangin hehpihna, thupha bawlna, sin kiniamsakna, lungneemna, heh baih lohna lungsimte na silh un.

Filippi 2:1

Tua ahih ciangin Khazih sungah hansuahna ahi zongin, itna tawh kipawl lungnopna ahi zongin, Kha Siangtho tawh kihotheihna ahi zongin, hehpihna leh diksakna ahi zongin na khatpeuh peuh a om leh, khat leh khat ki-it ciatin, khat leh khat lungsim kikhen loin hanciamna kibangin, lungsim kikhatin na om manunah ka lungdamna na cingsak un.

Efesa 5:14

Tua ahih ciangin: “A ihmu mi aw, Khanglo in la, sihna pan thokik in! Tua bang ahih leh, Khazih in nang tungah hong taang ding hi,” a ci hi.

Gamlak-vakna 24:17

Amah ka mu hi, ahih hangin tu hun hi lo hi; amah ka en hi, ahih hangin a hun nai nai lo hi: Jakob sung pan aksi khat hong suakkhia ding a, Israel sung pan kumpi ciangkhut khat hong piang ding hi; tua in Moab’ taltang sat kham ding a, Sheth’ suante khempeuh sugawp ding hi.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

1 JOHAN MASA 3:17

Mi khat in leitung sumte nei-in a u a nau a zawngte a muh hangin hehpihna lungsim a neih kei leh, tua mi sungah Pasian itna bang ci om ahi hiam?

Zekhariah 6:12

Ama kiangah, ‘Topa in hih bangin ci hi: “Hih mipa in sing bangin A Sel a kici mipa ahi hi. A omna peuhpeuh-ah amah cithei ding a, Topa’ biakinn lamkik ding hi.

Zekhariah 3:8

Tua ahih ciangin siampi lian Joshua aw, ngai in; ama siampi pih ahi no adangte in zong ngai un. Note in mai lam thu hoih nadingin lim na hi uh hi. Sing bangin A Sel ka nasempa khat kong paisak ding hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Filippi 1:8

Keimah in note khempeuh Khazih Zeisu’ hehpihna tawh bang zah takin kong ngaihna thu Pasian in keima teci ahi hi.

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Isaiah 63:15

A siangtho, a minthang nangma omna vantung pan a sangna kumpi tokhom panin, hong ensuk in la, hong mu in. Nangma deihna leh nangma vangliatna koi-ah om ta ahi hiam? Na lungduaina leh nong lainatna kote’ adingin kikhaktan ta hi.

Isaiah 63:7

Topa’ itna kip, Topa phatnate, Topa in eite tunga hong piak na hoihte khempeuh tawh kizui leh, ama hehpihna tawh kizui, a lianpi ama itna kip tawh kizui-in amaute tunga a piak, Israel innkuan tunga ama hoihna lianpite ka gengen ding hi.

Late 25:6

Topa aw, taang pek-a kipan a omsa ahih manin, na hehpihna leh na itna kip phawkkik in.

Isaiah 42:16

Amau’ theih loh lampi ah mittawte ka paipih ding a, amau’ theih ngei loh sul zuihpih-in ka kha ding hi. Amau’ mai-ah khuamial pen khuavak suaksakin, a phokna munte a tam-in ka bawl ding hi. Hihte pen keima hih ding nate hi a, tuate sem loin ka nusia kei ding hi.