Luka 1:76 - Tedim Bible

⁷⁶ Ahi hi, naungeek aw, nangmah in Sang Bel Topa’ kamsangpa hong kici ding hi. Bang hang hiam na cih leh, eite Pasian hong hehpihna thupha hangin ah Ama mi pawlte’ khialhna maisakna tawh,

Tedim Bible Revision 2017

⁷⁶ “Nang, ka tapa na hi a, Lianpen Pasianʼ kamsang pa hong kici ding hi. Ama pai nading lampi a bawl khol dingin Topaʼ mai ah na mapai ding hi.

Luka 1:76 Referans Kwoze

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Johan 1:23

Johan in, “Kamsangpa Isaiah in a gen bangin, ‘Topa paina lam na tangsak in,’ ci-in gampa lakah a kiko aw ka hi hi,” a ci hi.

Mattiu 14:5

Herod in Johan a thah nop hangin mihonpite in Johan Pasian’ kamsangpa hi sa uh ahih ciangin a lau hi.

Mattiu 3:3

Pasian in kamsangpa Isaiah tungah a hilh ngei bangin: “Gampa lakah a kikopa’ aw in, ‘Topa paina lam na sial un, Ama lampi na tangsak un,’ a ci hi,” a cihna in tua mipa a cihnopna hi.

Sawltak 16:17

Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Luka 1:35

Vantungmi in zong, “Kha Siangtho in nangma tungah hong tung a, Sang Bel Pasian’ vangliatna in nang hong liah ding hi. Tua ahih ciangin, tua siangtho a piang ta in Pasian’ Tapa a kici ding hi.

Luka 1:32

Tua ta in milian hi ding a, Sang Bel Pasian’ Tapa kici ding hi. A pa David’ tokhom Pasian in pia ding a,

Marka 11:32

‘Mi tung pan hong piang,’ ci leeng mite i kihta hi. Bang hang hiam i cih leh, mi khempeuh in Johan pen kamsangpa a sa uh hi,” ci-in khat leh khat a kikum uh hi.

Johan 3:28

Keimah in Khazih ka hi kei hi. Khazih mai-ah hong paipa ka hi hi ke’n kong ci zo a, note zong ka teci na hi uh hi.

Johan 1:27

Ama khedap khau phel ding nangawnin ka kilawm kei hi,” a ci kik hi.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Mattiu 21:26

“Mi tung pan hong piang hi,’ ci leeng, mite i kihta hi. Bang hang hiam i cih leh mi khempeuh in Johan kamsangpa a sa uh hi,” ci-in khat leh khat a kikup khit uh ciangin,

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Late 87:5

Zion thu tawh kisai-in ahih leh, “Minam khempeuh ama sung pan-a suak ahi hi,” kici ding hi; Bang hang hiam cih leh Sang Penpa mahmah in amah kipsak ding hi.