Luka 1:72 - Tedim Bible

⁷² A siangtho ama kamciamsa thu a ngaihsut nading ahi zongin, i pu i pate tungah hehpihna thupha hong bawl nading ahi zongin,

Tedim Bible Revision 2017

⁷² I pu i pate a hehpih nading le ama thuciam siangtho hong mangngilh loh nading, amah in hong gen hi.

Luka 1:72 Referans Kwoze

Late 106:45

Amaute ading a ngaihsutna-in ama thuciamna a phawk a, ama itna kip lianpi tawh kizui-in a kolsak hi.

Micah 7:20

Ka pu ka pate uh tungah nidang lai a, na ciamsa bangin, Abraham’ suan-le-khak ahi nangma mite tungah na cihtakna leh nong itna kip nong lak ding hi.

Siampi Laibu 26:42

tua ciangin keimah in Jakob tawh ka thuciamna ka phawk ding a, keimah in Isaak tawh ka thuciamna leh Abraham tawh ka thuciamna ka phawk ding a, keimah in leitang zong ka phawk ding hi.

ROM (Romans) 11:28

Amaute in Lungdamna Thu pan note hangin galte ahi uh hi. Teelkhiatna thu panin pute pate hangin a ki-it mi ahi uh hi.

Ezekiel 16:60

Ahi zongin na neu lai-a nang tawh i thuciamna lenkipin, a kimang tawntung ding thuciamna nang tawh ka bawl ding hi.

Piancilna 28:14

na suan-le-khakte lei lak leivui bang ding a, nitumna lam leh nisuahna lam, leilu lam leh leitaw lamah na kizelthang ding uh hi; nang leh na suan-le-khakte thupha kong piak bangin leitung innkuan khempeuh in thupha a ngah nadingun hong ngen ding uh hi.

Piancilna 26:4

Na suan-le-khakte van-a aksi bangin tampi ka phasak ding a, na suan-le-khakte' tungah hih leitang khempeuh ka pia ding hi; na suan-le-khakte thupha ka piak bangin leitung minam khempeuh in thupha a ngah nadingun hong ngen ding uh hi:

Ezekiel 16:8

“Nang kong muhkhak kik ciangin pasal nei thei ding hun na hita hi. Na pum guak-a a om kimlai, ka puan tawh kong khuh a, na zumhuaina teng hong seelsakin, teen’pih dingin kam kong ciam hi. Kong kamciamna tangtung sakin nang in keima aa nong suak hi,’ Topa Pasian in ci hi.

Late 111:5

Amah in amah zahtakte an pia a, ama thuciamna hong phawk tawntung hi.

Late 98:3

Amah thutakin, it tawntungna nei ahih manin Israelte' tunga a thuciamna tung sak hi. Leitung mi khempeuh in i Pasian’ gupkhiatna mu khin uh hi.

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

Late 105:42

Bang hang hiam cih leh a siangtho ama thuciamna leh ama nasem Abraham a phawk hi.

ROM (Romans) 9:4

Tua mite in Israel mite ahih uh ciangin a ta za-a kikoih nading ahi zongin, vangliatna ahi zongin, thu kiciamnate ahi zongin, Thukham koihna ahi zongin, Pasian biakna ahi zongin, thuciamnate ahi zongin,

1 KHANG TANGTHU MASATE 16:16

Abraham tawh a bawl thuciamna, Isaak tungah kiciamin a khapna,