Luka 1:69 - Tedim Bible

⁶⁹ Bang hang hiam i cih leh, tanglai ama kamsang siangthote’ kam tawh a gen kholh mah bangin,

Tedim Bible Revision 2017

⁶⁹ A nasem pa Davidʼ suante sung panin eite adingin Vanglian Honpa hong pia hi.

Luka 1:69 Referans Kwoze

Late 18:2

Topa in ka suangpi, ka munkip muanhuai, hong honkhia-pa, ka Pasian, ka suangpi, ka belhpa, ka lum, ka kihotkhiatna ki, ka munkip ahi hi.

Ezekiel 29:21

“Hih thu hong tun’ ciangin Israel mite a thahat minamin ka bawl kik ding a, mi khempeuh’ zak nading munah nang thu kong gensak ding hi. Tua ciangin Topa ka hihna thu amaute in hong thei ding uh hi,” hong ci hi.

2 SAMUEL NIHNA 22:3

ka Pasian, ka suangpi, a sungah ka buknapa, ka lum leh ka kihotkhiana ki, ka munmuanhuai leh ka belh, keimah honkhiapa ahi hi; ngong hihna panin nong hon hi.

1 SAMUEL MASA 2:10

Topa’ langte tamkham ding a, amah in amaute do-in vantungah van gingsak ding hi. Topa in lei mong dongah thukhen ding hi; amah in ama kumpipa tungah thahatna pia ding a, a sathau nilhpa’ vangliatna sangsak ding hi,” a ci hi.

Late 89:17

Bang hang hiam cih leh nangmah in gualzawhna lianpi kote nong ngah sak a, nangma angvanna tawh kote nong gualzo sak hi.

1 SAMUEL MASA 2:1

Hannah in zong thungenin, “Topa tungah ka lungdam a, Topa hangin ka kipak hi. Nong huhna hangin ka galte ka nuihsan hi.

Marka 11:10

A hong piang ding i pa David’ Gam in thupha ngah ta hen! Van a sang belna-ah Hosanna!” ci-in a kiko uh hi.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

Amos 9:11

Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Mattiu 1:1

Abraham’ suan, David’ suan, Zeisu Khazih’ khang ciamtehna lai inah:

Late 89:3

Nangmah in, “Ka teelpa tawh thuciamna khat ka bawl zo a, ka nasem David tungah thu ka ciam zo hi:

1 KUMPI MASATE 11:13

Ahi zongin kumpigam khempeuh ka balkhia kei ding hi; ka nasempa David hang leh ka teelsa Jerusalem hangin na tapa tungah minam khat ka pia ding hi,” a ci hi.

2 SAMUEL NIHNA 7:26

tua ciangin, ‘Mi honte’ Topa in Israelte tungah Pasian hi,’ ci-in nangma min kiliansak tawntung ding a, nangma mai-ah na nasempa David’ innkuan kikipsak ding hi.

Jeremiah 30:9

Topa, amau’ Pasian’ na ahi zongin, amaute’ kumpi-a ka koih ding David’ na ahi zongin a sem zaw ding uh hi.