Luka 1:68 - Tedim Bible

⁶⁸ “Israel mipawl’ Topa Pasian in thupha ngah ta hen.

Tedim Bible Revision 2017

⁶⁸ “Israel miteʼ Topa Pasian phat ciat ni. A mite a huh dingin hong pai-in amaute a suaktasak hi.

Luka 1:68 Referans Kwoze

Late 106:48

Topa, Israel Pasian in, a tawntung a kipan a tawntung dongin thupha ngah ta hen! Mi khempeuh in, “Amen” ci ta uh hen! Topa phat un!

Luka 7:16

Zeisu in tua pa a nu kiangah a pia hi. Mi khempeuh in lau uh a, “A lian mahmah kamsangpa in eite lakah hong piang zo hi. Pasian in ama mipawlte kiangah hong hawh zo hi,” ci-in Pasian’ min a phat uh hi.

Late 41:13

Israel Pasian, Topa in khang tawntungin thupha ngah ta hen! Amen, Amen.

Late 111:9

Amah in a mite hong honkhia a, amah in a tawntunga dingin thupiakna a bawl khin hi. Ama min, siangtho-in kihtak-huai mahmah hi!

Paikhiatna 4:31

Mite in um uh hi; Israel mite' kiangah Topa lungnuam loin, amau’ thuaknate amah in a muh khitna thu amaute in a zak uh ciangin, amaute in a lu uh kunin bia uh hi.

1 KUMPI MASATE 1:48

Kumpipa in zong, ‘Keima mit-a ka muhin keima suan leh khakte khat ka kumpi tokhom tungah a tu dingin tu ni-in a pia Topa, Israel Pasian in thupha ngah ta hen,’ ci hi,” a ci hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Luka 2:38

Amah tua lai takin tunga Pasian hehpihna phatin, Jerusalem khuapi suahtak nading a lamen mi khempeuhte kiangah tua naungeek thu teng a gen hi.

1 PETER MASA 1:3

Anungta lametna thu a om nading ahi zongin, a sia thei lo, a kihhuai nitna om lo, a vul thei lo luahna eite in i ngah nading ahi zongin, Zeisu Khazih in sihna pan a thawhkik ciangin hehpihna lianpi tawh kituakin eite hong piang kiksak i Topa Zeisu Khazih’ Pa Pasian in thupha ngah ta hen.

Efesa 1:7

Pilna khempeuh leh phawktheih pilna khempeuh tawh kituak, eite tungah hehpihna a kicin’sak mah bangin tua Zeisu’ sisan hangin mawh maisakna ahi tatkhiatna thupha ama sungah eite in i ngah hi.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phat in, a lu uh kun uh a, Topa bia-in kumpipa tungah zahtakna bawl uh hi.

1 KHANG TANGTHU MASATE 29:10

Tua ahih ciangin a kikhawmte khempeuh’ omna ah David in Topa phat hi; tua ciangin David in: “Nang, Topa, ka pu uh Israel Pasian aw, a tawntungin thupha ngah ta in.

Piancilna 14:20

na galte na khut sungah a hong pia, Sang Pen Pasian in thupha ngah hen!” ci hi. Abram in na khempeuh seh-sawm-suah-seh-khat ama' tungah pia hi.

Piancilna 9:26

Amah in, “Topa ka Pasian in Shem thupha pia hen la, Kanaan pen Shem’ sila hisak hen.

Luka 19:44

Nang akipan na sunga om na tate leitungah a kipuksak ding ni a hong tung ding a; na sunga suang khat tungah suang kiciang khat beek a omsak kei ding uh hi. Bang hang hiam na cih leh, Pasian hong hawhna hun na thei kei hi,” a ci hi.

Piancilna 24:27

“Ka topa’ tungah a itna kip leh a thumanna a pelh lo, ka topa Abraham’ Pasian, Topa in thupha ngah ta hen. Kei ka hih leh, ka topa’ behte’ inn zuatna lampi-ah Topa in hong paipih hi,” ci hi.

1 SAMUEL MASA 25:32

Tua ciangin David in Abigail kiangah, “Tu ni-in keimah dawn dingin nang a hong sawl Israelte’ Pasian, Topa in thupha ngah ta hen!

1 KUMPI MASATE 8:15

Tua ciangin amah in, “Izipt panin ka mi Israelte ka paikhiatpih huna kipanin keima Min a om theih nadingin inn khat lam nading Israel minam khempeuh sungah khuapi khat zong ka teel kei hi; ahih hangin ka mi Israelte tungah a uk dingin David ka teel hi,’ ci-in ka pa David tungah a kam tawh a ciamsa thu a tungsak Israel Pasian, Topa in thupha ngah ta hen.

Late 130:8

Amah in, Israelte a mawhna khempeuh panin tankhia ding hi.

Luka 1:71

Lau loin ama’ na i sep theih nading ahi zongin, i pa Abraham tungah thuciamna leh

Luka 24:21

Tua pa in Israel pawlte tan dingpa ahi hi ci-in kote in ka lamen uh hi. Tua tham loin, hih thu khempeuh a pian’ zawh ni thum pha zo hi.