Luka 1:48 - Tedim Bible

⁴⁸ Bang hang hiam na cih leh, ama sila numei’ kiniamsakna hong en zo hi. Tu-a kipanin khang khempeuhte in kei thupha a ngah mi hong ci ding hi.

Tedim Bible Revision 2017

⁴⁸ Bang hang hiam cih leh a neu mahmah a nasem nu, keimah a hong phawk hi. Tu a kipanin a khangkhangin mi khempeuh in thupha ngah nu hong ci ding uh hi.

Luka 1:48 Referans Kwoze

Late 138:6

Bang hang hiam cih leh Topa lian napi-in amah in a neute don hi; ahih hangin a kiphasakte ahih leh amah in gamlapi panin mu thei hi.

Malakhi 3:12

Tua ciangin na gam uh, ten’ nadingin a hoih mahmah leitang hong suak ding ahih manin, minam dang khempeuh in note pen a nuamsa minam, hong ci ding uh hi,” Vanglianpen Pasian in a ci hi.

1 SAMUEL MASA 1:11

Amah in thuciamna khat bawlin, “Mihonte’ Topa aw, nangmah in na nasemnu’ gimna nong et takpi a, keimah hong phawkin na nasemnu hong mangngilh loin na nasemnu tungah tapa khat nong piak leh, Topa tungah a khan’ tawntungin amah ka pia ding a, ama lu-ah mulkiatna kitah lo ding hi,” a ci hi.

Luka 11:27

Zeisu in tua thu a gen lai takin, mihonpi lak panin numei khat in, “Nang hong paii gil leh na teep nawi in thupha a ngah ding hi,” ci-in a kiko hi.

Late 136:23

miniam i hih laitak-a hong phawkpa tungah, bang hang hiam cih leh ama itna kip kho tawntung hi;

Luka 1:42

“Nangmah in numei lakah thupha ngah na hi hi. Na gil sunga om naungeek in thupha a ngah ding hi.

Luka 1:28

Gabriel in ama kiang a tun’ ciangin, “Thupha a ngah nungak aw, na cidam ta hen. Topa in nang tawh a omkhawm hi,” a ci hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

2 SAMUEL NIHNA 7:8

Tua ahih ciangin tu-in ka nasempa David kiangah hih bangin na gen ding hi, ‘Vanglianpen Topa in hih bangin ci hi: Ka mi Israelte tungah ulian dingin lonona mun, tuute na zuihna panin nang kong la hi;

1 SAMUEL MASA 2:8

Amah in leivui panin mizawngte phong to a, amah in a cimawhte a lungkhamna panun phong to hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa aa hi a, tuate tungah amah in leitung pumpi koih hi.

Piancilna 30:13

Leah in, “Kei lungdam ing! Bang hang hiam cih leh numeite in kei a lungdam hong ci ding hi,” ci hi; tua ahih ciangin ama min' Asher phuak hi.

Late 102:17

amah in, mi cimawhte’ thungetna kin-in, amau’ thuumna simmawh lo ding hi.

Late 72:17

Ama min kip tawntung hen la, ni a om lai teng a minthan’na kip suak hen! Ama hangin mite in thupha ngah hen la, minam khempeuh in amah pen thupha ngahpa, ci ta uh hen!

Luka 1:45

Thu-um numei in thupha a ngah ding hi. Bang hang hiam na cih leh, tua numei kiangah Topa’ thugente hong tangtung ding hi,” ci-in aw lian tawh a gen hi.

Luka 1:49

Bang hang hiam na cih leh, vangliatna a neipa in keima tungah a lian thute hong hih zo hi. Tua pa min’ a siangtho hi.