Luka 1:45 - Tedim Bible

⁴⁵ Thu-um numei in thupha a ngah ding hi. Bang hang hiam na cih leh, tua numei kiangah Topa’ thugente hong tangtung ding hi,” ci-in aw lian tawh a gen hi.

Tedim Bible Revision 2017

⁴⁵ Topa in nang tungah a hong gen thute hong tung taktak ding hi, ci-a upna pen nang adingin a lungdamhuai mahmah ahi hi,” a ci hi.

Luka 1:45 Referans Kwoze

Johan 20:29

Zeisu in, “Nong muh man-inah um na hi hiam? Hong mu lo napi-in a um mite in thupha a ngah uh hi,” a ci hi.

Johan 11:40

Zeisu in, “Nang na up leh, Pasian’ minthan’na na mu ding hi, hong ci zo hilo ka hi hiam?” a ci hi.

Luka 1:20

Nangmah in a hun a cin’ cianga a tung ding ka thu um lo na hih ciangin, hih thu a pian’ ni dongin pau thei loin na om ding hi,” a ci hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlakah paikhia uh hi; amaute a paikhiat lai takin Jehoshafat ding-in, “Judah leh Jerusalem a, teengte aw, ka thugen za un! Topa na Pasian uh um un, tua hi leh note na kip ding uh hi; ama kamsangte um un, tua hi leh na mavang ding uh hi,” a ci hi.

Luka 1:44

Nong hopihna aw ke’n ka zak ciangin ka gil sunga om naungeek in lungdamna tawh a diang hi.

Luka 1:48

Bang hang hiam na cih leh, ama sila numei’ kiniamsakna hong en zo hi. Tu-a kipanin khang khempeuhte in kei thupha a ngah mi hong ci ding hi.

1 KUMPI MASATE 17:16

Elijah’ tung tawnin Topa’ thugen bangin beel sunga annel bei lo a, um sunga sathau in zong tamasak lo hi.

2 KUMPI NIHNATE 4:5

Tua ahih ciangin ama kiang panin tua numei paikhia-in amah leh a tapate kong kikhaknelh hi; amah in a sun’ lai takin amaute in ama kiangah a beelte paipih uh hi.