Luka 1:42 - Tedim Bible

⁴² “Nangmah in numei lakah thupha ngah na hi hi. Na gil sunga om naungeek in thupha a ngah ding hi.

Tedim Bible Revision 2017

⁴² nakpi takin kiko-in, “Numei khempeuh lakah thupha ngah pen nu na hi a, na neih ding naungek in thupha ngah ding hi.

Luka 1:42 Referans Kwoze

Luka 19:38

“Pasian’ min tawh hong pai Kumpipa in thupha ngah ta hen; Vantungah nopna leh, A sang belna-ah minthan’na om ta hen,” ci-in a kiko uh hi.

Thukhente 5:24

“Numeite lakah thupha ngah pha pen Jael, Ken mi Heber’ zi, puanbuk a teeng numei lak pan thupha ngah phapen hi ta hen.

Luka 1:28

Gabriel in ama kiang a tun’ ciangin, “Thupha a ngah nungak aw, na cidam ta hen. Topa in nang tawh a omkhawm hi,” a ci hi.

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Luka 1:48

Bang hang hiam na cih leh, ama sila numei’ kiniamsakna hong en zo hi. Tu-a kipanin khang khempeuhte in kei thupha a ngah mi hong ci ding hi.

Late 21:6

Hi hi, nangmah in a tawntungin thupha ngah pen dingin amah na bawl a, nangma ompihna lungdamna tawh amah na kipaksak hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

ROM (Romans) 9:5

amau ading a pute a pate tawh kizoma piang mi zong ahi uh hi. Khazih in zong ci leh sa lamsang ah tua mite pawl ahi hi. Tua Khazih in zong na khempeuh uk a, thupha a ngah tawntung Pasian ahi hi. Amen.

Late 45:2

Mihing’ tate lakah nangmah na hoihpen a, thugen siamin na kam khum zungzung hi; tua ahih ciangin Pasian in nang thupha hong pia tawntung hi.

Luka 1:41

Mari hopihna thu Elisabeth in a zak ciangin, a gil sunga om naungeek diang a, amah in Kha Siangtho tawh kidim hi.

Luka 1:43

Ka Topa’ nu kei kiangah hong pai nadingin bang hangin hehpihna ke’n ka ngah hiam?