Luka 1:30 - Tedim Bible

³⁰ Vantungmi in, “Mari aw, lau kei in. Nang in Pasian maipha na ngah zo hi.

Tedim Bible Revision 2017

³⁰ Tua ciangin vantungmi in, “Mary aw, lamdang sa-in lunghimawh kei in. Pasianʼ maipha a ngah na hi hi.

Luka 1:30 Referans Kwoze

Luka 1:13

Vantungmi in, “Zekhariah aw, lau kei in. Na thungetna hong ngai zo hi. Na zi Elisabeth in tapa khat nang ading a nei ding hi. Tua tapa’ min Johan na phuak ding hi.

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

Mattiu 14:27

Zeisu in, “Na lungdam ta un; keimah ka hi hi, na lau kei un,” a cih pah leh,

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Mattiu 28:5

Vantungmi in, tua numeite kiangah, “Lau kei un; singlamteh tunga kithat, Zeisu na zon’ uh ke’n ka thei hi.

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasempa Jakob aw, ka teelsa Israel aw, lau kei in.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Sawltak 27:24

‘Paul aw, nang lunghimawh kei in. Kaisar kumpipa mai-ah na ding ding hi. Nangmah tawh teembaw sungah a omkhawm mi khempeuhte Pasian in nang hong pia zo hi,’ hong ci hi.

Hebru 13:6

Tua ahih ciangin: “Topa in kei hong huhpa hi a, ka lau kei ding hi. Mite in kei tungah bang hong cih thei ding ahi uh hiam?” ci-in kimuan’na lungsim tawh i gen thei hi.

Piancilna 6:8

Ahih hangin Noah in Topa’ maipha mu hi.