Luka 1:28 - Tedim Bible

²⁸ Gabriel in ama kiang a tun’ ciangin, “Thupha a ngah nungak aw, na cidam ta hen. Topa in nang tawh a omkhawm hi,” a ci hi.

Tedim Bible Revision 2017

²⁸ Vantungmi in Mary kiangah, “Na lungdam mahmah ding ahi hi. Topa in nang hong ompih a, thupha lianpi hong pia zo hi,” a ci hi.

Luka 1:28 Referans Kwoze

Daniel 10:19

Amah in, “Lungnuam in la, lau kei in. Kihat sak in, zahtakna ngah pa aw,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in, ka ci a hong damzaw diak hi,” ka ci hi.

Thukhente 6:12

Topa’ vantungmi ama tungah kilangin ama kiangah, “Topa in nang tawh hong om hi, nang a thahat a vanglian mipa aw,” a ci hi.

Luka 1:30

Vantungmi in, “Mari aw, lau kei in. Nang in Pasian maipha na ngah zo hi.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

Sawltak 18:10

Bang hang hiam na cih leh, nangmah tawh hong omkhawm ka hih manin kuamah in nang hong doin hong liamsuah kei ding hi. Bang hang hiam na cih leh, hih khua sungah keimah in mi tampi ka nei hi,” a ci hi.

Luka 1:42

“Nangmah in numei lakah thupha ngah na hi hi. Na gil sunga om naungeek in thupha a ngah ding hi.

Thukhente 5:24

“Numeite lakah thupha ngah pha pen Jael, Ken mi Heber’ zi, puanbuk a teeng numei lak pan thupha ngah phapen hi ta hen.

Mattiu 12:48

Zeisu in, “Ka nu leh ka sanggamte kua ahi uh hiam?” ci-in dong a,

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Isaiah 43:5

Nang tawh hong omkhawm ka hih manin lau kei in; nisuahna lam panin na suan leh khakte kong paipih ding a, nitumna lam panin na mite kong kaikhawm ding hi.

Ruth 2:4

En in, Boaz in Bethlehem panin hong pai hi; amah in an late kiangah, “Topa in note hong ompih ta hen!” a ci hi. Amaute in dawngin, “Topa in nang thupha hong pia ta hen!” a ci uh hi.

Luka 1:27

David’ suan Josef min neipa tawh a kingai nungak kiangah, Pasian in a vangtungmi Gabriel a sawl hi. Tua nungak’ min in Mari ahi hi.

Luka 1:29

Mari in tua thugenna hangin lungmang a, “Hih hopihna in bangci bang hopihna ahi ding hiam?” ci-in a ngaihsun hi.