Luka 1:17 - Tedim Bible

¹⁷ A pate’ lungsim un tate kiangah kiheisak nading ahi zongin, thu ngai lo mite in midikte’ pilna lampi ah kiheisak nading ahi zongin, Topa ading a kibawlkhol mite a pian’ nading ahi zongin amah in Elijah’ lungsim leh vangliatna tawh Pasian mai-ah a pai ding hi,” ci-in a gen hi.

Tedim Bible Revision 2017

¹⁷ Amah pen kamsang Elijah mah bangin thahatna le vangliatna tawh Pasian mai ah hong mapai ding hi. Pate le tate kilemsakkikin, mihoihteʼ lungsim bang a neih nadingun thumang lo miteʼ lungsim heisak dinga, Topa adingin a kilawm dingin mite a bawl khol ding hi,” a ci hi.

Luka 1:17 Referans Kwoze

Mattiu 11:14

Note in na san’ nop uh leh hong pai ding hi ci a, a kigenpa Eijah in amah ahi hi.

Luka 1:76

Ahi hi, naungeek aw, nangmah in Sang Bel Topa’ kamsangpa hong kici ding hi. Bang hang hiam na cih leh, eite Pasian hong hehpihna thupha hangin ah Ama mi pawlte’ khialhna maisakna tawh,

Johan 3:28

Keimah in Khazih ka hi kei hi. Khazih mai-ah hong paipa ka hi hi ke’n kong ci zo a, note zong ka teci na hi uh hi.

1 KHANG TANGTHU MASATE 29:18

Ka pute uh Abraham, Isaak, leh Israel Pasian, Topa aw, na mite’ lungsim sungah tua bang ngimnate leh ngaihsutnate omsak tawntung in la, amaute’ lungsim nangma lamah kai in.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

Kolose 1:12

Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.

Late 111:10

Topa zahtakna in pilna kipatna ahi hi; ama thupiak a zuite khempeuh tungah thukhen siamna a pia hi. Amah phat tawntung ding ahi hi.

2 TIMOTI NIHNA 2:21

Tua ahih ciangin tua nate tawh ama pumpi a kisiangthosak mi in minthan’na na, siangthona na, inn neipa zat ding a kilawm na, nasepna pha pawl khempeuh ading a suak ding hi.

Isaiah 29:24

Kha lamah a pialkhia mite in thu theitel ta ding uh a, a phunphun mite in thuhilhna ngai ta ding uh hi.”

ROM (Romans) 9:23

A vangliatna a lah nading a masa a bawlsa hehpihna a ngah belte ahi

Sawltak 10:33

Tua ahih ciangin nangma kiangah a manlangin mi kong paisak hi. Tu-in nang hong tung na hih ciangin thuhoih ahi hi. Tua ahih ciangin hih san takah Pasian in nangma kiangah thu hong piaksa teng ngai dingin kote khempeuh in Pasian mai-ah ka om uh hi,” a ci hi.

Johan 1:34

Keimah in ka mu zo a, hih pa in Pasian’ Tapa hi ci-in teci ka pang zo hi,” ci-in Johan in a gen hi.

Johan 1:13

Tua tate in si leh sa tawh suak ahi kei uh hi; mihing’ deihna bangin a suak kei uh hi, Pasian’ deihna bangin a suak uh hi.

Luka 1:16

Israel mipawl tampi amau Topa Pasian kiangah a kiheisak kik ding hi.

Mattiu 14:4

Bang hang hiam i cih leh, Johan in, “Tua numei na teen’pih ding kilawm lo hi,” ci-in Herod kiangah a hilh hang hi.

Amos 4:12

Tua ahih ciangin Israel mite aw, hih bangin note tungah kong bawl ding hi. Hih bangin hong hih ding ka hih manin, Pasian’ thukhenna thuak dingin kiging un.

Late 10:17

Topa aw, lungnemte deihna na ngai ding hi; a lungsim uh na hatsak ding a, na bil na ngat ding hi.

2 KHANG TANGTHU NIHNATE 29:36

Pasian in mite’ adingin a bawlsak thute bangin Hezekiah leh mi khempeuh lungdam uh hi; bang hang hiam cih leh tua thu thakhatin hong piang vat hi.

1 KUMPI MASATE 21:20

Ahab in Elijah kiangah, “Ka galpa aw, kei hong mu na hi hiam?” a ci hi. Amah in dawngin, “Topa muhna ah a sia gamta dingin nangmah kipia tawm na hih manin nangmah kong mu hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

1 JOHAN MASA 2:28

Ka ta neute aw, Tapa hong pai a, hong kilat ciangin eite in maizumna om loin, lungmuan’na tawh ama kiangah i om theih nadingin ama sungah kipin om un.

Mattiu 3:4

Johan in kalaoh mul kigan puan silh a, savun kawnggakin a kawng a gak hi. Kauphe leh gampa lak khuaizu in a kivak hi.

2 KUMPI NIHNATE 1:16

tua ciangin ama kiangah, “Topa in hih bangin ci hi, “Bang hang hiam cih leh nangmah in Ekron pasian, Baalzebub kiangah thu dong dingin kamtaite na sawl khin hi, thu dot ding Israel sungah Pasian om nawn lo ahi hiam?Tua ahih ciangin tu-a na lupna panin nang na thokik nawn kei ding hi; nang na si taktak ding hi,’ ci hi,” a ci hi.

1 KUMPI MASATE 18:18

Amah in dawngin, “Keimah in Israel mite ka lungkhamsak kei hi; nang in Topa’ thupiaknate nusia-in Baalte zui na hih manin nang leh na pa’ innkuan in na lungkhamsak uh hi.

1 SAMUEL MASA 7:5

Tua ciangin Samuel in, “Israelte khempeuh Mizpah-ah khawm un, note adingin Topa tungah thu ka ngen ding hi,” a ci hi.

Mattiu 3:3

Pasian in kamsangpa Isaiah tungah a hilh ngei bangin: “Gampa lakah a kikopa’ aw in, ‘Topa paina lam na sial un, Ama lampi na tangsak un,’ a ci hi,” a cihna in tua mipa a cihnopna hi.