Luka 1:14 - Tedim Bible

¹⁴ Nangmah in zong lungdamna leh nuamna na ngah ding a, ama suahna hangin mi tampite zong a lungdam ding uh hi.

Tedim Bible Revision 2017

¹⁴ Amah hong suah ciangin nang na lungdam mahmah dinga, midang tampite in zong hong lungdam pih ding uh hi.

Luka 1:14 Referans Kwoze

Luka 1:58

Topa in a lian hehpihna Elisabeth tungah a bawl, a inn vengte leh a behte in a zak uh ciangin, amah tawh kibangin lungdamin a nuam uh hi.

Paunak 23:24

Ta hoih a neipa in a lungdam ding a, ta pil a neipa in a ta tungah lungkim ding hi.

Paunak 15:20

Ta pilte in a pa lungdam sak a, mihaite in a nu simmawh hi.

Piancilna 21:6

Sarah in, “Pasian in kei’ adingin nuam-a nuihzak nading hong bawlsak khin hi; a za peuhmah in nuamin hong nuihpih ding uh hi,” ci hi.

Paunak 23:15

Ka ta aw, mipil suak lecin, ka lungdam mahmah ding hi.

Luka 1:13

Vantungmi in, “Zekhariah aw, lau kei in. Na thungetna hong ngai zo hi. Na zi Elisabeth in tapa khat nang ading a nei ding hi. Tua tapa’ min Johan na phuak ding hi.

Luka 1:15

Bang hang hiam na cih leh, tua tapa in Topa mai-ah milian ahi ding hi. Amah in leenggahtui leh zu neukha beek dawn loin, a nu gil sung pan akipan Kha Siangtho tawh a kidim ding hi.

Jeremiah 20:15

Ka pa kiangah, “Tapa khat na nei hi,” ci-a va ko-a a lungdamsakpa in haamsiatna thuak ta hen.