Late 99:9 - Tedim Bible

⁹ Topa Pasian phat un la, ama mual siangtho-ah bia un; bang hang hiam cih leh i Topa Pasian siangtho hi!

Tedim Bible Revision 2017

⁹ I Topa Pasian phat unla, ama mual siangtho ah bia un; bang hang hiam cih leh i Topa Pasian a siangtho hi.

Late 99:9 Referans Kwoze

Luka 1:49

Bang hang hiam na cih leh, vangliatna a neipa in keima tungah a lian thute hong hih zo hi. Tua pa min’ a siangtho hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 5:16

Ahih hangin thutang sepna tawh Vanglianpen Topa in a liatna hong kilangsak a, a Siangtho Pasian in a mite a thukhenna tawh ama siangthona hong kilangsak hi.

Mangmuhna 4:8

Tua ganhing lite khat in kha guk ciat a nei uh a, a khate uh a sung a pua, mittang tawh dimin, sun tawh zan tawh khawl loin: “A om ngei, a om laitak, a hong om ding Vanglianpen Topa Pasian in, Siangtho hi, siangtho hi, siangtho hi,” ci-in kiko-in a om uh hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

1 SAMUEL MASA 2:2

“Topa bangin a siangtho kuamah om lo a, nang sim loh kuamah dang om lo hi; i Pasian tawh a kibang hong hu zo Suangpi dang om lo hi.

Habakkuk 1:12

Topa aw, a cil pek-a kipan a tawntungin Pasian na hi a, nang in tawntung keima Pasian, a Siangtho Pa na hi hi. Topa aw, kote daantat dingin amaute na seh hi bek a, ka belh Suangpi aw, kote nong thuhilhna ding bekin amaute vang a pia pak bek na hi hi.

Isaiah 6:3

Amaute khat leh khat kisamin: “Vanglianpen Topa, siangtho, siangtho, siangtho hi; leitung khempeuh ama minthan’na tawh kidim hi,” ci-in awng uh hi.

Late 99:5

I Topa Pasian phat un; ama khe ngakna munah bia un! Amah siangtho hi!

Late 99:3

A lian a kihtak-huai ama min, mi khempeuh in phat ta hen. Amah siangtho hi.

Mangmuhna 3:7

“Filadelfia khua-ah a om pawlpi’ vantungmi kiangah hih bangin gelh in. ‘A siangtho mi, a thuman mi, David’ konghon’na a nei mi, kuama khak theih loh dingin hongin, kuama hon’ theih loh dingin a khak thei mi’ thupiakna in:

Late 132:7

“Ama omna mun-ah va pai ni; ama khe-ngakna-ah va bia ni!”