Late 99:8 - Tedim Bible

⁸ Kote’ Topa Pasian aw, nangmah in amaute na dawng hi; nangmah in amaute tungah mawhna a maisak Pasian na hi a, ahih hangin amau gamtat khialhnate a thukkik khat na hi hi.

Tedim Bible Revision 2017

⁸ Koteʼ Topa Pasian aw, nang in amaute na dawng hi. Amauʼ mawhna hangin gim na piak tei hangin amauʼ mawhnate a maisak nuam Pasian na hihna amauteʼ tungah na kilangsak hi.

Late 99:8 Referans Kwoze

Gamlak-vakna 20:12

Topa in Moses leh Aaron kiangah, “Israel mite mai-ah kei hong um lo hong siangthosak lo na hih uh ciangin amaute ka piaksa leitangah hih mihonte na tun’pih kei ding uh hi,” a ci hi.

Late 89:33

ahih hangin amah ka itna ka khiam kei ding a, ka thuciamna ka kipelhsak kei ding hi.

Jeremiah 46:28

Topa in kong cih-inah, ka nasem pa Jakob’ suante aw, lau kei un. Bang hang hiam cih leh note kong ompih hi. Note kong thehthangna gamte khempeuh ka susia khin ding a, ahih bangin note kong susia khin kei ding hi. A kilawm zahin kong thuhilh ding a, daantat loin kong mawk nusiat kei ding hi,” a ci hi.

Thuhilh-sia 7:29

Keima theihkhiat thu in: Pasian in eite a thuman dingin hong bawl napi-in, eite in paulap tuamtuam zongin, i kikai-awk sak hi.

ROM (Romans) 1:21

Amaute in Pasian a thei uh hi napi-in Pasian phat ding a kilawm zahin a phat kei uh a, ama hehpihna phat lo uh tham loin, amau in mawkna-in a ngaihsun uh a, ciamteh thei loin amau lungsim uh a mial hi.

Zefaniah 3:7

Tua ahih manin ka mite in kei hong zahtakin, amau ka thuhilhnate mangngilh lo ding hi, ci-in ka ngaihsun hi. Ahi zongin a gamtatsiat ngei bangin gamta lai veve uh hi,” ci hi.

Thu-hilhkikna 3:26

Ahih hangin note’ hangin kei tungah Topa heh a, ka thu hong ngai lo hi: Topa in kei kiangah, ‘Pha zo hi, hih thu kei kiangah hong gen nawn kei in.

Gamlak-vakna 20:24

“Ama mite kiangah Aaron kigawm ding hi; bang hang hiam cih leh Meribah tui-ah note in ka thupiak lehdo na hih manun, Israel mite tungah ka piak leitangah amah tum lo ding hi.

Paikhiatna 32:2

Aaron in amaute' kiangah, “Na zite, na tapate leh na tanute uh’ bil tungah a om kham bilbahte sutkhia un la, kei' kiangah tuate hong paipih un,” a ci hi.

Paikhiatna 34:7

mi tul tampite adingin itna kip a nei, mawhna, thupalsatna leh khialhna maisakin, ahih hangin bang bang hita leh mawhna a siangsak ngei lo, pate’ mawhna tate tung leh tute tung, khang thum, khang lina dongin a thukpa,” ci-in pulak hi.

2 SAMUEL NIHNA 12:14

Ahi zongin, hih bang gamtatna tawh Topa thusim peuhmah lo na hih manin nang sungpan hong piang naungek si ding hi,” a ci hi.

Late 78:38

Ahi zongin, amah in hehpihna lungsim nei ahih manin amau khialhnate maisak a, amaute susia lo hi; amah in a hehna iip zelzel a, a hehna khempeuh phongkhia lo hi.